Franak Viačorka: «Łukašenku amierykancy patrebnyja našmat bolš, čym amierykancam Łukašenka»
Hałoŭny daradca Śviatłany Cichanoŭskaj Franak Viačorka prakamientavaŭ «Radyjo Svaboda» pryznačeńnie Džona Koŭła śpiecyjalnym pasłańnikam prezidenta ZŠA pa Biełarusi.
«Biezumoŭna, my vitajem pryznačeńnie Džona Koŭła na hetuju pasadu i vitajem namahańni prezidenta Trampa ŭ vyzvaleńni palitviaźniaŭ. Samo hetaje pryznačeńnie śviedčyć, što Biełaruś zastajecca ŭ fokusie Złučanych Štataŭ, jak i pytańnie palitviaźniaŭ», — adznačyŭ Viačorka.
Jon dadaŭ, što pryznačeńnie śpiecpasłańnika pavinna zrabić bolš efiektyŭnym zmahańnie za vyzvaleńnie palitviaźniaŭ i kamunikacyju ŭ biełaruskich pytańniach u cełym.
Pavodle Viačorki, Džon Koŭł sfakusavany na tym, «kab vyciahvać ludziej z turmaŭ, vyciahvać zakładnikaŭ».
«Jon blizki da samoha Donalda Trampa, i my bačym, što jahonyja pieramovy z Łukašenkam užo dasiahnuli niejkaha pośpiechu».
«Ale naša zadača — nie tolki vyciahnuć ludziej z turmaŭ, ale i spynić represii. Inačaj ludziej buduć vypuskać nievialikimi hrupami, a potym buduć sadzić novych», — padkreśliŭ Viačorka. I ŭ hetaj zadačy jon bačyć važnuju rolu pryncypovaj pazicyi Jeŭrapiejskaha sajuza.
«Navat kali Złučanyja Štaty buduć źmiakčać niekatoryja sankcyi, uviedzienyja za parušeńnie pravoŭ čałavieka, Jeŭrapiejski sajuz pavinien trymać svaje sankcyi», — kaža Viačorka. Bo «zadača Łukašenki — dabicca źniaćcia sankcyj, nie źmianiajučy svajoj palityki, nie vyzvaliŭšy ŭsich ludziej, nie spyniŭšy represij».
«Tamu amierykancaŭ my prosim brać na siabie humanitarny trek: vyzvaleńnie ludziej, vyciahvać z turmaŭ, zachoŭvać ich žyćcio, a jeŭrapiejcaŭ — trymać sankcyi dla bolš sistemnych, doŭhaterminovych pieramienaŭ u Biełarusi», — patłumačyŭ daradca Cichanoŭskaj.
Jon adznačyŭ, što «bolšaść jeŭrapiejskich sankcyj byli ŭviedzienyja mienavita za vajnu suprać Ukrainy i pavinny być źniatyja tady, kali hetaja vajna budzie spynienaja i kali budzie spynieny ŭdzieł Łukašenki ŭ hetaj vajnie».
Franak Viačorka skazaŭ, što nieŭzabavie čakajecca vyzvaleńnie novaj hrupy palitviaźniaŭ. I ofis rychtujecca ich pryniać, zabiaśpiečyć usim nieabchodnym i paspryjać u lehalizacyi i reabilitacyi ŭ Litvie i Polščy.
«Łukašenka choča vyzvalić častku — my chočam, kab vyjšli na svabodu ŭsie i kab spynilisia represii», — adznačyŭ Viačorka.
«Amierykanski bok nie naiŭny, jany vydatna razumiejuć, što takoje Łukašenka, jany razumiejuć, jak ciažka ź im razmaŭlać. I tut vielmi važna być pryncypovymi i nastojlivymi, bo Łukašenku amierykancy patrebnyja našmat bolš, čym amierykancam Łukašenka», — padsumavaŭ jon.
Ministr zamiežnych spraŭ Litvy abmierkavaŭ biełaruskaje pytańnie z Džonam Koŭłam
Łukašenka anansavaŭ pieramovy z delehacyjaj ZŠA
Cichanoŭskaja nazvała pryznačeńnie Koŭła «abnadziejvajučym krokam»
Tramp zajaviŭ, što iduć pieramovy pra vyzvaleńnie jašče 50 biełaruskich palitviaźniaŭ, i nazvaŭ ich «zakładnikami»
«Ja zajmajusia hetym». Džon Koŭł pra vyzvaleńnie Alesia Bialackaha
Ciapier čytajuć
Histaryčnyja +40,4°C u Pinsku — heta tolki razahreŭ. Biełaruś uvachodzić u novuju klimatyčnuju eru i na vačach stanie lesastepam12
Kamientary