«Prabačcie im, biełarusy». Rasijanie paprasili prabačeńnia za rastoŭskuju kamandu KVZ
Niadaŭna ŭ rasijskim KVZ adna z kamand pakazała Biełaruś jak śmietnicu na pabiahuškach. U tyktoku rolik ź infarmacyjaj pra hety vypadak nie zastaŭsia biez uvahi hledačoŭ, jakija pakinuli za sutki amal 1500 kamientaryjaŭ. Niechta pakryŭdziŭsia, niechta śćviardžaje, što tak i jość. Rasijanie sprabujuć apraŭdacca.
Momant vystupleńnia kamandy «Fłeš-Rajal». Tut i dalej skryn videa: 1tv.ru
Najbolš łajkaŭ (amal 8800) sabrała pytańnie «KVZ niechta jašče hladzić?» Ludzi zaŭvažajuć, što hulnia — pieražytak minułaha.
Admietna, što na druhim miescy pa kolkaści łajkaŭ (zvyš 4600) apynuŭsia kamientar, jaki ŭtrymlivaje karcinku «Darma vy pakryŭdzili biełarusa…»
«Niejak pa-śvinsku»
Na trecim miescy apynułasia zaŭvaha: «Niejak pa-śvinsku».
«Jak rasijanin skažu adno… My z pavahaj stavimsia da Biełarusi. Kožny raz, kali daviedvajusia, što pierada mnoju biełarus — staŭleńnie da čałavieka stanovicca rezka stanoŭčym. A toje, što ŭ KVZ adlustravali, heta «humar» adnoj z kamand. U kožnaha svaje pohlady… Ale jany nie pieradajuć nastroj i mierkavańnie ŭsioj krainy».
«Prabačcie im, biełarusy, navat mnie heta źnievažalna».
«Šmat razoŭ byŭ u Rastovie [mienavita adtul kamanda KVZ, što pradstaviła numar — red.], u Krasnadarskim krai, usiudy pavažajuć Biełaruś, i pavažajuć baćku».
«Tak pa sutnaści i jość»
Adnak nie ŭsie ź im zhodnyja:
«Praŭda nie padabajecca ludziam. Jano ž tak, pa sutnaści, i jość. RB na hety momant mocna zaležyć ad RF. I heta zasłuha viečnaha Łukašenki, a sankcyi jak vynik takoj zaležnaści ad RF i niemahčymaści skazać joj niešta suprać».
«Tak, pa sutnaści, i jość».
«I dzie jaje źniavažyli?».
«Nu tak, a dzie ŭ numary skazali niapraŭdu?».
«Tak usio pravilna pra Biełaruś pakazali».
«Pravilna. Biełaruś — heta Rasija».
«Pa faktu skazali».
Jość i tyja, chto sprabuje patłumačyć sutnaść numara i dakazać, što kryŭdavać niama na što:
«Sutnaść hetaha KVZ była ŭ tym, što Rasija supraćstajała zachodnim krainam RAZAM ź Biełaruśsiu. Biełaruś u toj momant zajšła ź viadrom dla śmiećcia i sabrała sankcyi, pakazaŭšy tym samym, što RASII i BIEŁARUSI ŭsio roŭna na hetyja sankcyi».
«Jak da nas pryjazdžajuć, tak adrazu braty»
Adnak biełarusy iduć u ataku. Bolš za 2000 łajkaŭ sabrała zaŭvaha:
«Rasijanie, jakija pišuć «pravilna», vam nie nahadać, što vy z VPN siadzicie?».
Niekatoryja dadajuć ilustracyi.
«Ale jak da nas pryjazdžajuć, dyk adrazu braty», — zaŭvažaje niechta.
«Jak pačać nienavidzieć usiu krainu za adzin žart» — zaŭvažaje hladač. Praŭda jamu piarečać, što heta nie adziny padobny žart:
«A čamu ty vyrašyŭ, što adziny…»
«Dziŭna.. My ž braty i ŭsio takoje», — dzivicca adzin z hledačoŭ.
Niekatoryja zaŭvažajuć, što hety žart — čarhovy dokaz taho, nakolki dla nizkich hustaŭ stała hulnia:
«Ja biełaruska, i mnie pa barabanie što tam było na KVZ, ja jaho ŭžo daŭno nie hladžu. Jon daŭno ŭžo nižej za plintus i chiba što siabie jany mohuć abrazić».
Mnohija vykazvajuć padobnaje mierkavańnie:
«KVZ daŭno pieratvaryŭsia ŭ śmietnicu. Ja lepš «Jerałaš» pahlažu».
«Hańba. Taki tupy humar i sproby žartavać».
«Naŭrad ci kali ŭ KVZ norm humar byŭ».
«A mnie pryjemna»
«A mnie heta pryjemna pačuć, tamu što — VOŚ JANO — SAPRAŬDNAJE STAŬLEŃNIE «riuśkich bratoŭ» da ŭsiech inšych ludziej! Dziakuj vialiki vam, daražeńkija!» — zaŭvažaje jašče adzin hladač.
«Mnie kazali: ty z hłuzdu źjechaŭ, jaki pašpart, tut Kijeŭ mohuć uziać!» Biełarus raskazaŭ, jak zhubiŭ va Ukrainie dakumienty i try hady nie moh ź jaje vyjechać4
U Dobrušy čałaviek dabiŭsia kampiensacyi ad haspadara aŭčarki, pa vinie jakoj jon straciŭ voka
Kamientary
— Słyšali.
— Kak dumajetie, skolko Estonii žiť ostałoś?..
Šutka iz toj žie ihry komandy «Blizkije» iz Biełhorodskoj obłasti