Maryna Mientusava nazvała svoj top-5 samych seksualnych biełaruskich mužčyn
Samy sumlenny, samy vyvierany i vypakutavany śpis, składzieny žanočym čatam.
Adnoj z tem dla abmierkavańnia ŭ čarhovym vypusku «Obyčnoho viečiera» stała navina ab tym, što časopis People nazvaŭ samaha seksualnaha mužčynu 2025 hoda. Im staŭ anhlijski akcior Džonatan Bejli.
Pa słovach Maryny Mientusavaj, heta infarmacyja vyklikała ŭ jaje žadańnie vyśvietlić, chto źjaŭlajecca seks-simvałam Biełarusi. U pošukach adkazu jany źviartałasia da Google, davała zadańnie ChatGPT, pytałasia ŭ svaich padpisčykaŭ. Adnak adkazy joj nie spadabalisia.
«U vyniku daviałosia iści da krynicy suśvietnaj mudraści — da žanočaha čatu. Voś jość čat GPT, a jość žanočy čat. Voś jany ŭsio dakładna viedajuć, tam dakładna biez promachaŭ», —
raskazała Maryna i ŭdakładniła, što rejtynh nie jaje asabisty, a vynik kalektyŭnaha abmierkavańnia:
«Heta kalektyŭny [rejtynh]. Heta siabroŭski čat, maje padpisčycy, padpisčyki, tyja, kaho ja paprasiła, plus tyja redakcyi, jakija ŭžo naminavali roznych biełarusaŭ u takija rejtynhi: samyja seksualnyja i samyja zajzdrosnyja žanichi. My ich uziali ŭ samyja seksualnyja», — patłumačyła Maryna.
Pa jaje słovach, z rejtynhu pa mierkavańniu biaśpieki byli vyklučany biełarusy ŭnutry Biełarusi.
Na piatym miescy — Lova Bi-2.
«Rok-muzykanty zaŭsiody padabalisia dziaŭčatam. Pryčym dziaŭčatam roznaha ŭzrostu. Lova voś taki, niebiaśpiečny», — patłumačyła vybar Mientusava.
Čaćviortaje miesca było addadziena žurnalistu i viadoŭcu Siarhieju Darafiejevu.
Pa słovach Maryny, Darafiejeŭ znachodzicca ŭ jaje asabistym śpisie samych seksualnych mužčyn «vielmi doŭhi čas, da taho, jak ja mahła pramaŭlać słova «seksualny» (…) zakanadaŭča dazvolenym čynam».
«Nie psujecca heta vino, usio lepš i lepš z hadami. (…) Vielmi pryhožy», — dadała Mientusava.
Treciaje miesca zaniaŭ Alaksandr Vasilevič.
«Jon byŭ u rejtynhu, jaki «Naša Niva» stvarała. Vasilevič u cełym u rejtynhach va ŭsich, jakija ja bačyła pa seks-simvałach u Biełarusi. Nu, spraviadliva», — prakamientavała Maryna.
Ajcišnik i suzasnavalnik MSQRD (startap, jaki byŭ vykupleny Fejsbukam) Jaŭhien Nieŭhień zaniaŭ druhoje miesca:
«Jon i małady, pradprymalny, i mała havoryć. Prynamsi, publična. Žančynam padabajecca».
Na viaršyni rejtynhu apynuŭsia restaratar Alaksiej Sadavy.
«Jon zaŭsiody va ŭsich rejtynhach. Jon i pryhožy małady čałaviek i, vidavočna, seksualny, kali my možam takimi katehoryjami tut raskidvacca. Byŭ u rejtynhu «Našaj Nivy» samych seksualnych biełarusaŭ, byŭ u rejtynhu samych zajzdrosnych žanichoŭ. Jaho naminavali maje padpisčycy, za jaho hałasavali dziaŭčaty ŭ maim čacie».
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary