«Na naradzie ŭ hubiernatara my nie leziem pa telefon». Čynoŭniki raskazali, kali dzieciam možna karystacca mabilnikami ŭ škole
Namieśnica načalnika Hałoŭnaha ŭpraŭleńnia ahulnaj siaredniaj, daškolnaj i śpiecyjalnaj adukacyi — načalnica ŭpraŭleńnia ahulnaj siaredniaj adukacyi Ministerstva adukacyi Iryna Karžova ŭ razmovie ź BiełTA raskazała, u jakich vypadkach školnikam ciapier dazvolać karystacca mabilnymi telefonami.
«My rekamiendujem, kab da ŭroka dzieci zdavali mabilnyja telefony ŭ jačejki, karobki. Mabilny telefon adklučajecca, zdajecca nastaŭniku i paśla zaviaršeńnia ŭroka na pierapynku navučency mohuć im skarystacca.
Na ŭroku nastaŭnik vyrašaje, kali i jakim čynam možna vykarystoŭvać mabilny telefon», — adznačyła Iryna Karžova.
Pavodle jaje, dzieci ŭžo, maŭlaŭ, nie mohuć ujavić žyćcia biez mabilnaha telefona, tamu sistema adukacyi musić pad heta padładžvacca. Ale treba abmiažoŭvać vykarystańnie hadžetaŭ na ŭrokach, bo heta adciahvaje ŭvahu vučniaŭ.
U toj ža čas nastaŭniki pavinny ŭkaraniać padčas svajoj pracy novyja infarmacyjnyja technałohii:
«U našych padručnikach jość QR-kody, jakija možna vykarystoŭvać prosta na ŭroku i z dapamohaj mabilnaha telefona vychodzić na Nacyjanalny adukacyjny partał», — skazała čynoŭnica.
Tamu mabilny telefon, pavodle jaje, pavinien być i srodkam navučańnia.
Hetuju temu padtrymaŭ i namieśnik staršyni Mahiloŭskaha abłvykankama Valeryj Małaška, paraŭnaŭšy dziaciej z čynoŭnikami.
«Na naradzie ŭ hubiernatara my nie leziem pa telefon, kali chtości telefanuje, — adchilajem abo nie adkazvajem. I toj bok razumieje, što ty ŭ pracoŭnym režymie i niedastupny. Heta ž pavinny i baćki razumieć», — skazaŭ jon.
Čytajcie taksama:
Jakija pryvatnyja škoły ciapier pracujuć i kolki tam kaštuje navučańnie
Kamientary
Ja vam vsiem razriešajut, tut nikakoj problemy. I dieti pusť polzujutsia. Siejčas v mirie važno umieť bystro nachodiť informaciju, a nie zazubrivať idieołohiju.