U amierykanskaj vajskovaj akademii West Point adčynili znojdzienuju ŭ pomniku Tadevušu Kaściušku «kapsułu času». Znojdzienaje ździviła
U kancy sioletniaha maja bryhada budaŭnikoŭ raźbirała tresnuty pastamient pomnika Kaściušku ŭ akademii West Point u ZŠA i znajšła ŭnutry skrynku. Amierykanskija navukoŭcy i vajskoŭcy pryjšli da vysnovy, što heta kapsuła času, źmieščanaja tudy kursantami ŭ 1829 hodzie.
Vajskoŭcy vyklikali archieołaha, jaki ŭziaŭsia za vyvučeńnie skrynki. Artefakt zadakumientavali i sfatahrafavali. Niekalki tydniaŭ supracoŭniki kafiedry fiziki i jadziernaj inžynieryi vajskovaj akademii vyvučali kapsułu z dapamohaj mahutnaha renthienaŭskaha aparata, ale daviedacca pra źmieściva kapsuły ničoha nie ŭdałosia, bo skrynka była śvincovaja.
Tamu vyrašyli ŭskryć skrynku ŭ žyvym efiry na staroncy akademii ŭ YouTube, što siońnia i zrabili.
Udzielnikaŭ cyrymonii čakała rasčaravańnie. Skrynka akazałasia pustoju. Ničoha, aprača niekalkich askołkaŭ vapniaku, unutry nie znajšli. Navukoŭcy buduć dalej vyvučać kapsułu, sprabujučy znajści schavany źmiest pasłańnia ź minuŭščyny abo schavanyja nadpisy.
Bondarava prysvoiła sabie źniščeńnie znaka ŭ honar paŭstańnia 1863 hoda i choča zamianić Kaściušku na Stalina
«Siarod ich — Tadevuš Kaściuška». Biełarus znajšoŭ dvanaccać tysiač svaich prodkaŭ i raskazaŭ, jak jamu heta ŭdałosia
U Ńju-Jorku biełarusy adkryli biusty Tadevušu Kaściušku i Kastusiu Kalinoŭskamu
Ciapier čytajuć
«Ludziej prymušali dumać, što ničoha nikoli nie źmienicca». Chto taki antykamunist Łasła Krasnaharkai, jaki atrymaŭ Nobieleŭskuju premiju pa litaratury?99
Kamientary