U Klimavickim rajonie ŭ race patanuła dzieviacihadovaja dziaŭčynka
Trahiedyja zdaryłasia ŭčora, paviedamlaje Śledčy kamitet.
Učora ŭviečary ŭ milicyju źviarnulisia baćki 9-hadovaj dziaŭčynki i raspaviali, što ich dačka pajšła hulać i nie viarnułasia dadomu. Na pošuki školnicy byli kinutyja ŭsie siły ratavalnikaŭ i milicyi Klimavickaha rajona.
Na žal, praz paru hadzin jaje cieła było znojdziena ŭ race Słabažancy.
Pavodle papiaredniaj infarmacyi, dziaŭčynka pajšła kupacca sa svaimi siostrami ŭpotaj ad darosłych, bo baćki zabaraniali iści na rečku adnym.
Dzieci hulali ŭ vadzie, ale z-za taho, što zahinułaja nie ŭmieła płavać, jana pajšła na dno. Napałochanyja dziaŭčatki viarnulisia dadomu i ničoha nie raspaviali darosłym.
Na miescy zdareńnia ŭsiu noč pracavała śledča-apieratyŭnaja hrupa.
Miesca, dzie patanuła školnica, nie pryznačana dla kupańnia.
Ciapier čytajuć
Siarhiej uziaŭ hrošy za kantrakt i pajšoŭ zdavacca ŭ pałon pry pieršaj mahčymaści. Pakručasty los biełarusa, jaki padpisaŭsia vajavać za Rasiju7
Kamientary