Na piešachodnym bulvary ŭ Dziaržynsku zrabili «vyšyvanku» FOTA
Raniej u Dziaržynsku ŭzhadnili cikavy prajekt: na piešachodnaj vulicy źbiralisia vykłaści «dyvan» z vyšyvanki. Siońnia, 30 žniŭnia, architektar Andrej Karavianski (jon ža aŭtar prajekta) vykłaŭ fota hatovaha «dyvana», piša CityDog.io.
Što za prajekt?
Jak raskazvaŭ Andrej Karavianski raniej, umoŭnym pratatypam «dyvana» ŭ Dziaržynsku možna nazvać znakamityja partuhalskija tratuary ŭ Lisabonie — tolki sa svaim, biełaruskim kałarytam.
Kali «dyvan» byŭ prydumany, ułady horada dali architektaram piać abjektaŭ na vybar, dzie možna było jaho raźmiaścić. Tyja vybrali ŭčastak kala Hałoŭpaštamta ad vulicy Tałstoha da vulicy Karła Marksa.
Heta cichaje, spakojnaje miesca, davoli papularnaje siarod miascovych žycharoŭ. Tam sustrakajucca ludzi, pravodziacca roznyja haradskija mierapryjemstvy, kirmašy, školnyja kirmašy. Jość niekalki kaviarniaŭ, pielmiennaja, univiersam.
«Heta značyć, vulica žyvie, i atrymlivajecca, što my jak by pad zvyčajnaje biełaruskaje žyćcio padkładajem hety «dyvan», kulturnuju asnovu».
Voś jak vulica vyhladała ŭ 2022 hodzie
A voś jak hetaja ž vulica vyhladaje ciapier
Vobraz malunka, darečy, uziaty ź dziaržaŭnaha ściaha Biełarusi.
«Pa-pieršaje, jon viadomy, a pa-druhoje, nie vyklikaje niejkich antypatyj. Usie razumiejuć, što havorka idzie pra biełaruski tkacki malunak».
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń12
Kamientary