На пешаходным бульвары ў Дзяржынску зрабілі «вышыванку» ФОТА
Раней у Дзяржынску ўзгаднілі цікавы праект: на пешаходнай вуліцы збіраліся выкласці «дыван» з вышыванкі. Сёння, 30 жніўня, архітэктар Андрэй Каравянскі (ён жа аўтар праекта) выклаў фота гатовага «дывана», піша CityDog.io.
Што за праект?
Як расказваў Андрэй Каравянскі раней, умоўным прататыпам «дывана» ў Дзяржынску можна назваць знакамітыя партугальскія тратуары ў Лісабоне — толькі са сваім, беларускім каларытам.
Калі «дыван» быў прыдуманы, улады горада далі архітэктарам пяць аб'ектаў на выбар, дзе можна было яго размясціць. Тыя выбралі ўчастак каля Галоўпаштамта ад вуліцы Талстога да вуліцы Карла Маркса.
Гэта ціхае, спакойнае месца, даволі папулярнае сярод мясцовых жыхароў. Там сустракаюцца людзі, праводзяцца розныя гарадскія мерапрыемствы, кірмашы, школьныя кірмашы. Ёсць некалькі кавярняў, пельменная, універсам.
«Гэта значыць, вуліца жыве, і атрымліваецца, што мы як бы пад звычайнае беларускае жыццё падкладаем гэты «дыван», культурную аснову».
Вось як вуліца выглядала ў 2022 годзе
А вось як гэтая ж вуліца выглядае цяпер
Вобраз малюнка, дарэчы, узяты з дзяржаўнага сцяга Беларусі.
«Па-першае, ён вядомы, а па-другое, не выклікае нейкіх антыпатый. Усе разумеюць, што гаворка ідзе пра беларускі ткацкі малюнак».
Каментары