Redkaja prapanova. U «tych samych» Drazdach na prodaž vystavili katedž. Voś jak jon vyhladaje
U staroj častcy Drazdoŭ na prodaž vystavili katedž za 3 młn dalaraŭ. Damy pradajuć tut redka, na abviestku źviarnuŭ uvahu Realt.
Dom znachodzicca na vulicy Račnoj. Heta tyja samyja Drazdy-1 (nie Vieśninka), jakija zabudoŭvalisia ŭ siaredzinie 2000-ch i ŭ jakich sialilisia čynoŭniki i biznesmieny.
Hety trochpaviarchovy dom na 437 kvadrataŭ pabudavany z błokaŭ u 2005 hodzie. Dach — mietałačarapica.
Na pieršym paviersie znachodzicca haścioŭnia z kaminam na drovach, stałovaja z kuchniaj, haściavy pakoj z sanvuzłom. Mižpakajovyja dźviery — z masivu dubu ź vitražnym škłom. Na padłozie — parkiet z masivu dubu i italjanskaja plitka. Na pieršym paviersie raźmieščany haraž.
Na druhim paviersie — niekalki spalniaŭ, kabiniet, sanvuzły, harderobnaja i choł.
Na cokalnym paviersie — kacielnia, harderob, pamiaškańnie-siejf, biljardnaja, dźvie kładoŭki z asobnaj vientylacyjaj, stełažami i abstalavanymi zonami dla zachoŭvańnia harodniny. Taksama tut jość saŭna z dušam i asobny vychad na dvor.
Usie kamunikacyi ŭ domie centralnyja, ustalavany niamiecki hazavy kacioł Vaillant, a taksama sistema filtracyi i źmiakčeńnia vady.
Učastak — 15 sotak. Vykanany łandšaftny dyzajn, vysadžana bolš za 100 chvojnych i liścianych dreŭ i kustoŭ, jość sistema aŭtapalivu.
Na ŭčastku taksama jość łaźnia z klejenaha brusa z basiejnam, terasaj, pakojem dla adpačynku z marmurovaj lažankaj, jakaja abahravajecca.
Akramia taho, na ŭčastku jość zona barbiekiu z myjkaj i dryvotnia z haspadarčym pamiaškańniem.
Za ŭsio heta prosiać 3 młn dalaraŭ.
Ciapier čytajuć
Biaspałaŭ namalavaŭ ludziej sa ściahami ŭ centry Minska i adpraviŭ fota ŭ milicyju. Źjechalisia try mašyny ź mihałkami25
Kamientary