Jahor Marcinovič raskazaŭ pra toje, ci zaŭsiody treba kazać praŭdu ŭ kałonii
U svaim fejsbuku Jahor Marcinovič, jaki adsiedzieŭ u Babrujskaj kałonii bolš za hod, piša, jak abmiarkoŭvaŭ z adnym z turemnych načalnikaŭ, što kazać, kali pryjedzie inśpiekcyja.
— Voś kali chto-niebudź pryjedzie i spytaje, ty palityčny ci nie, što ty adkažaš?
Viasnoj 2023 hoda tamu mianie vyklikali da adnaho z turemnych načalnikaŭ Babrujska. Siadžu ja i dumaju, što adkazać jamu na heta pytańnie. Ja viedaju, što ja palityčny. Jon viedaje, što ja palityčny. Ja viedaju, što jon viedaje, što ja palityčny. Dyk navošta tady hety cyrk? Jość univiersalny pramiežkavy sposab — pasprabavać źlicca.
— Nu… Hledziačy chto spytaje…
— Nu voś ja pytajusia.
Blin, nie prakaciła) Zaŭsiody ž lepš kazać praŭdu, chiba nie?
— Skažu, što palityčny. Ja pracavaŭ žurna…
— Ja viedaju, kim ty pracavaŭ, nie raskazvaj. Ale chto ciabie pryznaŭ palityčnym?
Jo-majo, nu chto pryznaje palityčnym? Zrazumieła, što nie sud Zavodskaha rajona Minska. Kaniečnie, Viasna. Jon heta viedaje nie horš za mianie.
— Viasna.
— Ty što, vystupaješ tut ad asoby ekstremisckaj arhanizacyi?
— Nie, vy spytali — ja adkazvaju.
— Davaj kali ty vyjdzieš i apyniešsia nie ŭ Biełarusi, to budzieš kazać što chočaš. A kali niechta pryjedzie siudy, to prosta skažaš, što adbyvaješ pakarańnie pa artykule 216-2 i staiš na ŭliku jak schilny da ekstremizmu i inšaj destruktyŭnaj dziejnaści. Tak budzie lepš dla ŭsich.
Pahladzieŭ ja voś zaraz film BT pra palitviaźniaŭ, dzie niapraŭda — pryblizna 83%. I vielmi paradavaŭsia, što zdymačnaja hrupa pryjechała zdymać svajo pastanovačnaje kino nie ŭ tuju kałoniju, dzie znachodziŭsia ja.
Pa BT pakazali, jak žyvuć palityčnyja ŭ škłoŭskaj kałonii. Byłyja palitviaźni tłumačać, što heta nasamreč za korpus
Ukraina, śmierć Makieja i Cichanoŭskaja. Jahor Marcinovič napisaŭ, na jakija temy zabaraniali razmaŭlać u kałonii
Jahor Marcinovič pra sustreču ź Ivulinym: Jak ja vyciahnuŭ ščaślivy łatarejny bilet u SIZA
«Ja chaču skazać VIE-LI-ZAR-NY dziakuj tysiačam biełarusaŭ». Jahor Marcinovič napisaŭ pieršy dopis paśla vyzvaleńnia
Kamientary