«Nie chaču mieć ničoha supolnaha sa svajoj byłoj krainaj». Rahačoŭski aktyvist, jakoha aštrafavali za fota prezidenta Polščy, admoviŭsia ad hramadzianstva
Rahačoŭski aktyvist Dzianis Daškievič admoviŭsia ad biełaruskaha hramadzianstva i zakryŭ usie svaje prajekty, źviazanyja ź Biełaruśsiu. Pra heta piša «Lusterka» sa spasyłkaju na staronku aktyvista ŭ Facebook.
«U suviazi ź niepieraadolnymi abstavinami ja vymušany abviaścić pra zakryćcio ŭsich svaich prajektaŭ, źviazanych z RB, uklučajučy zasnavanaje ŭ 2011 hodzie mnoj vydańnie «Rahačoŭ anłajn». Taksama ja nakiravaŭ aficyjny list na adras Administracyi prezidenta RB ab admovie ad usich dziaržaŭnych uznaharod i zvańniaŭ. MZS Biełarusi atrymała moj zapyt ab admovie ad biełaruskaha hramadzianstva. Ja nie chaču bolš ničoha mieć supolnaha sa svajoj byłoj krainaj. Budu sprabavać realizavać svaje idei ŭ novaj krainie», — paviedamiŭ Dzianis Daškievič.
Dzianis Daškievič — 38-hadovy aktyvist z Rahačova. Bolš za dziesiać hadoŭ jon vioŭ rehijanalny resurs «Rahačoŭ anłajn». Milicyja skłała na aktyvista pratakoł za fota prezidenta Polščy na fonie ściaha, padobnaha da bieł-čyrvona-biełaha.
Vyśvietliłasia, što na jaho daniesła miascovaja ideałahinia Natalla Prus, a ściah na zdymku nie maje dačynieńnia da Biełarusi. Heta ściah polska-vienhierskaj družby.
Za hetaje fota na Dzianisa Daškieviča zaviali kryminalnuju spravu, paviedamiła dziaržaŭnaja rajonka «Svabodnaje słova».
U kancy žniŭnia mužčynu aštrafavali za fota z Dudam na 740 rubloŭ z kanfiskacyjaj «pradmieta pravaparušeńnia». Jaho sudzili zavočna, bo jon zjechaŭ ź Biełarusi amal hod tamu. Da jaho dadomu ŭ Rahačovie pieryjadyčna prychodziać siłaviki.
Ciapier čytajuć
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie5959
Kamientary