Na Kamaroŭcy prajšła rekanstrukcyja płoščy i krytaha rynku. Usie pracy vykonvali nočču. Dla tych, chto nie tak časta pryjazdžaje siudy pa harodninu i sadavinu, Onliner zrabiŭ fotarepartaž.
Dyk što novaha tut zjaviłasia? Nu, naprykład, novyja lichtary i łaŭki na terytoryi. A ŭ samim budynku abnavili dyzajn.
— My adnačasova chacieli zachavać unikalnyja charaktarystyki pamiaškańnia i ŭ toj ža čas aformić jaho z dapamohaj tradycyjnych elemientaŭ biełaruskaj narodnaj kultury, — raspaviali Onlíner pradstaŭniki Kamaroŭskaha rynku. — Prajekt stvorany pry padtrymcy Minharvykankama, raspracoŭvali i realizoŭvali jaho śpiecyjalisty kampanii «Minskrekłama».
Uvachodnaja hrupa dekaryravana vycinankaj, a antresolnaja častka ściany ŭpryhožana pojasam z nacyjanalnymi ŭzorami załacistych i biełych adcieńniaŭ.
— Kalarovaja hama kałon spakojnaja i ŭ mieru jarkaja, u spałučeńni z dekoram arnamientu nadaje śviatočny vyhlad. Kožnaja z šasnaccaci kałon u vierchniaj častcy aformlena indyvidualnaj mastackaj kampazicyjaj, jakaja nidzie bolš nie paŭtarajecca. U hetych tvorach pakazany narodnyja śviaty, tradycyi, pracoŭnaje žyćcio i pobyt biełarusaŭ.
Pracy pa abnaŭleńni interjeru (časam heta byli składanyja i pracajomkija vytvorčyja apieracyi) vykonvalisia biez zakryćcia rynka, kab nie stvarać niazručnaściaŭ dla pakupnikoŭ.
U asnoŭnym jany vialisia nočču. Uvieś praces zaniaŭ try miesiacy.
U budučyni Kamaroŭku čakajuć i inšyja źmieny, ale ich pakul nie raskryvajuć.
Ceny rastuć, a kolkaść ździełak nabližajecca da rekordu. Što adbyvajecca na rynku žylla i jak novy ŭkaz Łukašenki adabjecca na im
«Čyrvona-zialonych ściahoŭ stała bolš, ale da ich chutka pryvykaješ». Biełarusy, jakija viarnulisia z emihracyi nazad u Minsk, raskazali pra svaje adčuvańni
Kolkaść IP skaračajecca. Jak heta ŭpłyvaje na sabranyja padatki i čamu tendencyja praciahniecca
Ciapier čytajuć
«Byŭ upeŭnieny, što ja niedatykalnaja asoba dla rasijan». Pieršaje intervju Jurasia Ziankoviča na svabodzie14
Kamientary