Za atrymańnie chabaru zatrymali dyrektara Dobrušskaha farforavaha zavoda
Supracoŭniki HUBAZiK zatrymali za atrymańnie chabaru słužbovuju asobu ZAT «Dobrušski farforavy zavod», paviedamiła paviedamiła pres-słužba MUS. Imia zatrymanaha nie nazyvałasia, ale praz prahlad apieratyŭnaj zdymki vydańnie «Fłahštok» zdoleła vyznačyć, što havorka idzie pra samoha hienieralnaha dyrektara pradpryjemstva Alaksandra Vinakurava.
Dla atrymańnia chabaru za svoječasovuju adhruzku pradukcyi i vyrašeńnie inšych pytańniaŭ kiraŭnik pradpryjemstva vykarystaŭ svajho brata. Zatrymańnie adbyłosia ŭ momant, kali atrymanyja bratam hrošy byli pieradadzienyja niepasredna dyrektaru pradpryjemstva.
Pa słovach apieratyŭnikaŭ, pradstaŭnik kamiercyjnaj struktury pieradaŭ bratam 155 tys. rasijskich rubloŭ i 33,5 tys. biełaruskich, što adpaviadaje chabaru ŭ bujnym pamiery.
Z apieratyŭnaj zdymki vynikaje, što na momant zatrymańnia sumy chabaru ŭžo byli raźmierkavanyja pamiž zmoŭcami.
Atrymańnie chabaru ŭ rasijskich rublach moža śviedčyć ab tym, što srodki za spryjalnaje raźviazańnie pytańniaŭ pieradavalisia rasijskaj kamiercyjnaj strukturaj.
«Fłahštok» źviarnuŭsia ŭ pryjomnuju ZAT «Dobrušski farforavy zavod» z prośbaj źviazacca z dyrektaram Vinakuravym. «Pahladzicie zvodku MUS!», — adkazaŭ uschvalavany sakratar dziaržpradpryjemstva.
Akramia kiraŭnictva Dobrušskim farforavym zavodam Alaksandr Vinakuraŭ źjaŭlajecca deputatam Dobrušskaha rajonnaha savieta deputataŭ. U 2021 hodzie jon byŭ delehatam šostaha UNS ad Homielskaj vobłaści.
Z dekłaracyi ab majomaści Alaksandra Vinakurava, apublikavanaj padčas vybarčaj kampanii 2018 hoda, vynikaje što hadavy dachod kiraŭnika składaŭ tady kala 13,5 tys. dalaraŭ.
Ciapier čytajuć
Viadučy STB Raman Pratasievič pabraŭsia šlubam trecim razam15
Kamientary