U Hrodnie zatrymali ajcišnika. Znoŭku za kamientary ŭ telehram-čatach
Niekatoryja z hetych kamientaroŭ mahli vydać i jaho asobu.
Zatrymanamu Andreju Burdzieniu 42 hady. Jon z Hrodna, vučyŭsia ŭ škole №6, a paśla słužyŭ u armii. Viadoma, što ciapier jon časova nie pracuje, ale raniej niejki čas pracavaŭ u IT-śfiery, a jašče raniej zajmaŭsia vytvorčaściu kuchonnaj mebli i mieŭ svajo IP.
Andreja zatrymali za kamientary ŭ telehram-čatach, jakich jon pakinuŭ bolš za try sotni. Jahony akaŭnt u telehramie padpisany ŭłasnym imiem Andrej — nieviadoma, ci «šukajecca» jon pa telefonnym numary i ŭvohule jak dobra abaronieny, ale heta mocnaja začepka. Da taho ž jon pisaŭ davoli šmat asabistaj infarmacyi ŭ kamientarach.
U telehram-kanale HUBAZiKa śćviardžajecca, što «ciapier mužčyna adkaža zhodna z kryminalnym zakanadaŭstvam». Zvyčajna heta značyć, što suprać čałavieka zaviedziena kryminalnaja sprava i nieŭzabavie jaho pieraviaduć u SIZA.
«Naša Niva» — bastyjon biełaruščyny
PADTRYMAĆ
Kamientary