Na praciahu piaci hadoŭ — z 2026‑ha pa 2030‑ty — płanujecca ŭstalavać nie mienš za 5 tysiač štučnych hniozdaŭ dla ptušak i sysunoŭ, jakija adnosiacca da redkich vidaŭ, uklučanych u Čyrvonuju knihu krainy. Heta praduhledžana Nacyjanalnym płanam dziejańniaŭ pa zachavańni i ŭstojlivym vykarystańni bijałahičnaj raznastajnaści.
Adpaviedny dakumient zaćvierdžany pastanovaj Savieta Ministraŭ ad 4 lutaha 2026 hoda № 60 i apublikavany na Nacyjanalnym pravavym partale. Płan nakiravany na achovu pryrody i adnaŭleńnie ekałahičnych sistem.
Akramia ŭstalavańnia štučnych hniozdaŭ, u 2026—2030 hadach płanujecca stvaryć śpiecyjalny internet-resurs, pryśviečany pryrodnym terytoryjam pad asablivaj achovaj, miescam pražyvańnia redkich žyvioł i rostu redkich raślin, a taksama typovym i ŭnikalnym pryrodnym łandšaftam.
Taksama praduhledžanaja raspracoŭka Nacyjanalnaj stratehii pa baraćbie ź invaziŭnymi vidami žyvioł i raślin, jakija pahražajuć bijaraznastajnaści i naturalnym ekasistemam, a taksama płanaŭ jaje realizacyi.
U miežach płana zapłanavanaja ekałahičnaja reabilitacyja parušanych tarfianikaŭ na płoščy nie mienš za 12 tysiač hiektaraŭ. Asobnaja ŭvaha budzie nadadziena adnaŭleńniu i zachavańniu łuhoŭ i bałot — najbolš važnych asiarodździaŭ dla redkich i źnikajučych vidaŭ žyvioł i raślin. Ahulnaja płošča takich terytoryj pavinna skłaści nie mienš za 3 tysiačy hiektaraŭ.
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary