Palitźniavoleny Pavieł Rakoca całkam adbyŭ termin i vyjšaŭ na volu
Pryčynaj dla abvinavačvańnia Paŭła Rakocy ŭ raspalvańni sacyjalnaj varožaści mahli stać jahonyja antyvajennyja kamientary ŭ sacsietkach. Sudździa Anatol Sotnikaŭ pryznačyŭ Paŭłu 1 hod i 6 miesiacaŭ pazbaŭleńnia voli ŭ kałonii va ŭmovach ahulnaha režymu. Jak paviedamlaje «Homielskaja Viasna», ciapier palitviazień vyjšaŭ na volu.
Pavieł — žychar Homiela, vučyŭsia ŭ Homielskim dziaržaŭnym univiersitecie imia Francyska Skaryny. Aktyŭny hulec u kviz.
Z pačatku vajny va Ukrainie Pavieł na svajoj staroncy «Vkontaktie» rezka vykazvaŭsia suprać vajny. U toj čas jon znachodziŭsia na terytoryi Rasii.
Jon byŭ zatrymany 14 lipienia 2022 hoda paśla pryjezdu ŭ Biełaruś. Pierad tym, jak jechać u Biełaruś, siabru skazaŭ: «Kali ja nie vyjdu na suviaź, značyć mianie zatrymali». Spačatku Paŭła ŭtrymlivali ŭ SIZA KDB u Minsku, a praz paru tydniaŭ pieraviali ŭ homielski SIZA-3.
U Homielskim abłasnym sudzie 15 lutaha 2023 hoda nad Paŭłam adbyŭsia sud. Sudziŭ jaho sudździa Homielskaha abłasnoha suda Sotnikaŭ Anatol pa častcy 1 artykuła 130 Kryminalnaha kodeksa RB (raspalvańnie inšaj sacyjalnaj varožaści), č. 1 art. 368 KK RB (abraza Łukašenki), art. 369 KK RB (abraza pradstaŭnika ŭłady) i prysudziŭ Paŭłu 1 hod i 6 miesiacaŭ pazbaŭleńnia voli ŭ kałonii va ŭmovach ahulnaha režymu.
Sudovy praces prachodziŭ u zakrytym režymie, tamu padrabiaznaści spravy nieviadomyja.
22 traŭnia 2023 h. stała viadoma, što palitźniavolenaha pieraviali ŭ PK № 1, što ŭ Navapołacku Viciebskaj vobłaści. A ciapier jon vyjšaŭ na volu, adbyŭšy ŭvieś termin.
Ciapier čytajuć
Zialenski: Retranślatary na miažy Biełarusi prypynili pracu74
Zialenski: Retranślatary na miažy Biełarusi prypynili pracu
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu3030
«Lutaja, abraźlivaja krytyka ŭsiaho biełaruskaha. Ale ź minułaha ŭ budučyniu niemahčyma prajści mima sučasnaści». Nasievič hruntoŭna adkazaŭ Alesiu Biełamu30
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było3030
«Spačatku pahrozu prydumaŭ, potym sam jaje pieramoh». Prapahanda abviarhaje Zialenskaha, śćviardžaje, što retranślataraŭ nie zdymali, bo ich nie było30
U Vialikaj Miadźviadcy adšukali mahiłu brata Ihnata Damiejki. Pahladzicie, jak spaskudzili carkvu pobač, jakuju naviedvaŭ suśvietna viadomy navukoviec1414
Kamientary