Były kamandzir «Vahniera», jaki ŭciok u Narviehiju, sprabavaŭ uciačy nazad u Rasiju
Kamandzira PVK «Vahnier» Andreja Miadźviedzieva zatrymali ŭ piatnicu ŭviečary ŭ pamiežnaj narviežskaj vioscy Hrense-Jakabsielvie, kali jon u ciemry sprabavaŭ pierasiekčy miažu i prabracca ŭ Rasiju, piša vydańnie Barents Observer.
Hetu viosku ad Rasii adździalaje tolki nievialikaja i niehłybokaja raka.
Sproba pierasiačeńnia miažy adbyłasia ŭsiaho praź niekalki hadzin paśla taho, jak Miadźviedzieŭ koratka sustreŭsia z žurnalistam vydańnia ŭ horadzie Kirkinies. Zatym 27-hadovy były bajec «Vahniera» skazaŭ, što mieŭ namier pierasiekčy miažu i što jon šukaŭ kaho-niebudź z mašynaj, chto moh by jaho padvieźci.
Jon patłumačyŭ, što ličyć, što nieŭzabavie jaho ekstradujuć va Ukrainu i što viartańnie ŭ Rasiju było b biaśpiečniejšaj alternatyvaj.
Niezrazumieła, jak Miadźviedzieŭ dabraŭsia da rajona, dzie jaho zatrymali. Da pamiežnaj raki niama hramadskaha transpartu.
Vahnieraviec Andrej Miadźviedzieŭ uciok z Rasii ŭ Narviehiju ŭ studzieni 2023 hoda i paprasiŭ tam prytułku. Najmitu ŭdałosia prakraścisia ŭ pamiežnuju zonu na Kolskim paŭvostravie, jakaja ŭzmocniena achoŭvajecca, a zatym pierapravicca ŭ Narviehiju.
Miadźviedzieŭ byŭ važnym śviedkam katavańniaŭ i zabojstvaŭ, učynienych PVK «Vahnier» va Ukrainie, i chutka paćvierdziŭ, što hatovy dać pakazańni ŭ sudzie suprać svajho byłoha kiraŭnika Jaŭhiena Pryhožyna.
U mai były najmit staŭ kazać, što choča viarnucca ŭ Rasiju.
Były kamandzir PVK «Vahnier» uciok z Rasii i prosić palityčny prytułak u Narviehii
Vahnieraŭca, jaki ŭciok u Narviehiju i paprasiŭ tam prytułku, aryštavali za napad na palicejskich
Narviežski sud vynies prysud byłomu vahnieraŭcu Miadźviedzievu
«Zabjuć — ok, nie zabjuć — vialiki dziakuj». Były «vahnieraviec» Miadźviedzieŭ zajaviŭ, što choča viarnucca z Narviehii ŭ Rasiju
Ciapier čytajuć
Babaryka try chviliny adkazvaŭ na pytańnie, čyj Krym. Tak i nie adkazaŭ113
Kamientary