U Viciebsku sudzili žančynu, jakaja zabiła kotku z kacianiom i vystaviła videa hetaha ŭ sacsietki, paviedamiła pres-słužba Viciebskaha abłasnoha suda. Incydent z zabojstvam dźviuch žyviolin adbyŭsia ŭ Viciebsku ŭ traŭni 2023-ha.
Jak vyśvietliłasia, viciablanka ŭ dvary žyłoha doma śpiecyjalna zabiła svaich žyvioł. Jana spačatku adsiekła siakieraj hałavu kacianiaci, a potym praz paru dzion i kotcy. Uvieś praces žančyna zdymała na videa, a źniatyja roliki zatym vykłała na svajoj staroncy ŭ sacyjalnaj sietcy.
Videa nie zastałosia niezaŭvažanym, nieŭzabavie žančynu zatrymali za žorstkaje abychodžańnie z žyviołami (č. 1, 2 art. 339-1 Kryminalnaha kodeksa Biełarusi).
Śledčamu viciablanka zajaviła, što naŭmysna zabiła kotku z kacianiom i źniała videa, kab, maŭlaŭ, papiaredzić svaich znajomych, kab jany «nie leźli da jaje», inakš im taksama pahražaje niešta padobnaje. Svaju vinu zatrymanaja pryznała całkam.
Sud pryznaŭ žančynu vinavataj va ŭčynienych złačynstvach, paličyŭšy, što žorstkaje abychodžańnie z žyviołami jana ździejśniła z chulihanskich i inšych nizkich pamknieńniaŭ.
Prysud — 1,5 hoda pazbaŭleńnia voli ŭ papraŭčaj kałonii va ŭmovach ahulnaha režymu.
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»17
23‑hadovaha aficera bryhady śpiecnaza asudzili na 19 hadoŭ za «zdradu dziaržavie»
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie4242
Dziaržbiaśpieka Litvy: «Naš dom» Karač štučna stvaraje ŭmovy, kab biełarusy, što nie adpaviadajuć kryteryjam mižnarodnaj abarony, atrymlivali VNŽ u Litvie42
«Ludzi kamientavali, što salmanieła ŭvajšła ŭ čat». Biełarus pajechaŭ pracavać u Kremnijevuju dalinu — i staŭ kulinarnym błohieram na 28 miljardaŭ prahladaŭ88
Kamientary