«Kolki možna prynižacca?» Žycharka Čavusaŭ zapisała videazvarot da Łukašenki: u internacie čornyja stoli, syplecca tynkoŭka i valacca ścieny
Žycharka Čavusaŭ u tyktoku źviarnułasia da Alaksandra Łukašenki. Jaje siabroŭka žyvie ŭ pakoi, dzie ŭ luby momant moža abvalicca ściana, u internacie niama haračaj vady, a kuchnia daŭno nie bačyła navat kaśmietyčnaha ramontu.
Dziaŭčyna raspaviała, što za pakoj tut płaciać 150-200 rubloŭ. «Za što? Za toje, što niama haračaj vady, niama ŭmovaŭ dla pražyvańnia? Heta prosta žach», — kaža jana.
Jana pakazała pakoj, u jakim žyvie jaje siabroŭka z dačkoju. Ściana ŭ luby momant moža ŭpaści na łožak dziciaci.
Aŭtarka videa prosić dapamahčy Łukašenku, bo «tut dabicca ŭ instancyjach ničoha nie mahčyma». Jana kaža, što źviartalisia nieadnojčy ŭ ŽKH, u rajvykankam — «ničoha nie robicca».
Zvaroty byli i nakont haračaj vady. Pavodle dziaŭčyny, u internacie dva-try hady čakali, pakul pastaviać vannu. Spačatku haračaja vada źjaviłasia, ale nieŭzabavie źnikła.
«U vyniku nichto ničoha nie robić. Kolki možna zvanić, kolki možna prynižacca?» — aburajecca dziaŭčyna.
Jana raspaviadaje, što paŭhoda tamu pryjazdžali z rajvykankama. «Pahladzieli, skazali, što ŭmovy tut pryŭkrasnyja, a jak štości kaho nie zadavalniaje, kab šukali sabie žyllo. Ale, prabačcie, Čavusy — maleńki haradok, nie nadta što znojdzieš».
Sama jana ŭžo sprabuje ščaścia ŭ Mahilovie, ale i ŭ Čavusach pakoj trymaje. Kaža, što pastaviła płombu na elektryčnaść, ale kamunałku płacić tak, byccam tut žyvie. «Za što? Za toje, što tut žach taki, strach. Nie daj boh u takich umovach žyć ź dziciom».
Jaje zvarot da Łukašenki za dzień nabraŭ bolš za 160 tysiač prahladaŭ.
Uviečary žančyna raspaviała, što a 21:30 patelefanavali siabroŭcy i skazali, što daduć inšy pakoj.
Aŭtarka videa havoryć: «Spadziajemsia, što nas nie padmanuć. Ja vielmi rada, što ŭ žyćci jość spraviadlivaść».
Ciapier čytajuć
Redki vypadak: pamiłavany biełaruski palitviazień pajšoŭ na vajnu suprać Ukrainy17
Redki vypadak: pamiłavany biełaruski palitviazień pajšoŭ na vajnu suprać Ukrainy
«Strelba kali i strelić, to naŭrad ci kulamiotnaj čarhoj». Maksim Znak acaniŭ realnaść pahroz biełaruskaj prapahandy pazbavić hramadzianstva palitemihrantaŭ1212
Kamientary
Raduje, što adyjšła „čotkaja čołka”. Ale ž brovy! :)