15 čałaviek i šeść adzinak techniki šukali źnikłuju ŭ hrybach žančynu. A jana mocna ździviłasia hetamu
Zatoje poŭnaje viadro hryboŭ za hety čas paśpieła nabrać.
Zdareńnie adbyłosia ŭ minuły čaćvier la vioski Varony ŭ Pastaŭskim rajonie. Z rajcentra ŭ hryby pryjechała siamja — maci sa svaimi darosłymi dziećmi. Dzieci žančyny zhubili jaje prykładna kala 13:00, piša kraj.by.
Spačatku jany zanialisia pošukami samastojna, a potym, kali zrazumieli, što nie znojduć, źviarnulisia da ratavalnikaŭ MNS, milicyju i leśnikoŭ. Usiaho dla pošukavych rabot byli zadziejničany šeść adzinak techniki i 15 čałaviek, ź ich try adzinki techniki i vosiem rabotnikaŭ MNS. Žančynu znajšli ŭ 17:35.
«Kali žančynu znajšli, jana vielmi ździviłasia, što jaje naohuł šukali. Zachapiłasia cichim palavańniem i navat sama nie viedała, što jaje šukajuć. Zatoje poŭnaje viadro hryboŭ za hety čas paśpieła nabrać», — raskazaŭ laśnik Andrej Šuvałaŭ, jaki braŭ udzieł u pošukach.
Kamientary