U Miesi plunuŭ jaho były kaleha pa «Barsiełonie». A arhienciniec navat nie zaŭvažyŭ hetaha
Arhiencina ŭ matčy kvalifikacyi da čempijanatu śvietu-2026 siońnia nočču pieramahła Parahvaj 1:0. Hałoŭnaja zorka kamandy pačała hulniu na łavie zapasnych.
Adziny hoł-pryhažun na 3-j chvilinie sustrečy Nikoła Atamiendzi («Bienfika»).
Miesi vypuścili na pole na 53-j chvilinie. U adnym z epizodaŭ da Lea padlacieŭ forvard zbornaj Parahvaja Antonia Sanabryja. Jany abmianialisia replikami, Miesi adviarnuŭsia, paśla čaho ŭ jaho śpinu palacieŭ plavok.
QUE LO ESCUPIS A MESSI PARAGUAYO PELOTUDO LA CONCHA DE TU MADRE SANABRIA pic.twitter.com/Tn3qnFCDzm
Na poli hetaha nichto nie zaŭvažyŭ, a abmierkavańnie pačałosia paśla pajadynku, piša Championat.com. Abmierkavańnie pačałosia ŭžo paśla matču. U tym liku paśla słoŭ samoj arhiencinskaj zorki.
«Ja hetaha nie bačyŭ. U raspranalni mnie skazali, što adzin ź ich futbalistaŭ plunuŭ u mianie. Ja navat nie viedaju, chto heta. Ja jaho nie bačyŭ. Mnie prosta skazali. Nie chaču nadavać hetamu značeńnia, bo tady jon budzie ŭsiudy bałbatać pra heta, što jašče horš, pasprabuje zrabić sabie imia. Lepš pakinuć usio heta tut».
Fakt u tym, što Sanabryja — vychavaniec «Barsiełony» i vypuskaŭsia z akademii, kali Lea jašče byŭ u kłubie, heta značyć u 2013 hodzie. Taksama jon vystupaŭ za «Barsiełonu B» i piać hadoŭ adyhraŭ u «Biecisie». Tak što Miesi dakładna čuŭ pra ciapierašniaha forvarda «Taryna».
Paśla troch turaŭ adboru Arhiencina — adnaasobny lidar kvalifikacyi. Bo Brazilija zhulała ŭničyju ź Vieniesuełaj. 18 kastryčnika čempijony śvietu praviaduć matč ź Pieru.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks20
Viktar Łukašenka zaśviaciŭ na pasiadžeńni NAK svoj hadzińnik — ciažki luks
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki1414
U Čechii palaki źbili palaka, pryniaŭšy jaho za ŭkrainca z-za šapki ŭ kolerach Vierchniaj Silezii. Chłopiec jechaŭ u viełaprabieh dziela chvoraj na rak ciažarnaj partniorki14
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary