Jeŭrapiejski sud u Luksiemburhu nie staŭ zdymać sankcyi, uviedzienyja ŭ červieni 2021 hoda suprać Minskaha aŭtamabilnaha zavoda i Biełaruskaha aŭtamabilnaha zavoda. Rašeńni byli vyniesienyja sudom 18 kastryčnika.
Abodva pradpryjemstvy cisnuli na toje, što ich nazvy byli paznačanyja ŭ dakumientach ES z pamyłkaj. Adnak sud akreśliŭ, što pamyłki ŭ pieršapačatkovych aktach nie mahli pieraškodzić pradpryjemstvam realizavać svajo prava na abaronu.
MAZ i BiełAZ taksama źviartali ŭvahu, što ich prynaležnaść dziaržavie nibyta abumoŭlenaja tolki ŭtvareńniem u toj čas, kali Respublika Biełaruś była krainaj z kamunistyčnym režymam. Sud nie paličyŭ hety arhumient pierakanaŭčym.
MAZ i BiełAZ śćviardžali, što jany nie niasuć adkaznaści za parušeńni pravoŭ čałavieka, demakratyi i viaršenstva prava režymam Łukašenki, ale sud vyrašyŭ inakš, pakolki pradpryjemstvy ŭjaŭlajuć saboj značnuju krynicu dachodu dla režymu.
U vyniku sud pastanaviŭ pakinuć sankcyi ŭ dačynieńni da pradpryjemstvaŭ u sile. Jany taksama pavinny apłacić sudovyja vydatki.
Raniej Jeŭrapiejski sud admoviŭsia źniać sankcyi z kampanii «Dana Astra», deputataŭ Pałaty pradstaŭnikoŭ, rektaraŭ VNU, namieśnika staršyni Biełteleradyjokampanii, biznesoŭca Alaksandra Šakucina.
Na abiedzie Łukašenki i Si Czińpina prysutničała i adzinaja dačka kitajskaha lidara11
Kamientary