Robiert Fica pastaviŭ pad sumnieŭ pravilnaść pradastaŭleńnia Ukrainie 50 miljardaŭ jeŭra dapamohi na 2024-2027 hady.
Premjer-ministr Słavakii Robiert Fica zajaviŭ, što Ukraina — «samaja karumpavanaja kraina ŭ śviecie», kažučy pra sumnievy ŭ nieabchodnaści pavieličeńnia dla jaje finansavaj dapamohi ES, piša «Ukrainskaja praŭda».
Na dumku słavackaha premjera, Ukraina «źjaŭlajecca samaj karumpavanaj krainaj u śviecie, i heta tyčycca ŭsich uzroŭniaŭ kiravańnia».
Jon pastaviŭ pad sumnieŭ pravilnaść pradastaŭleńnia Ukrainie 50 miljardaŭ jeŭra dapamohi na 2024-2027 hady, dadaŭšy, što pamiž krainami — siabrami ES niama zhody pa hetym pytańni, tamu jon čakaje pazačarhovaha samitu ES dla jaho rašeńnia.
«Ci finansavańnie Ukrainy źmianiła niešta ŭ vyniku vajny?» — rytaryčna spytaŭ słavacki premjer, a potym znoŭ spytaŭ, ci adbyłosia niešta takoje značnaje ŭ vyniku hetaj padtrymki i ci varta praciahvać finansavać Ukrainu.
«Tamu ŭkładziem jašče 50 miljardaŭ i ŭsio roŭna, što adbudziecca?»,— dadaŭ Fica.
Premjer Słavakii skazaŭ, što ES nie maje «mirnaha płana», i niekalki premjer-ministraŭ krain abjadnańnia «zahnanyja ŭ tupik» z-za situacyi va Ukrainie, bo nie viedajuć, što budzie dalej.
«Kali stratehija ŭ tym, kab praciahvać ulivać tudy hrošy, 1,5 miljarda jeŭra na miesiac biez usialakaha vyniku, a my pavinny zrezać našy ŭłasnyja resursy? Bo ŭ nas vielizarnyja prablemy i dziaržaŭnyja hrošy ŭ ciažkim stanie», — ličyć jon.
Raniej vydańnie Politico paviedamiła, što na sustrečy lidaraŭ JEZ u čaćvier Fica vystupiŭ z ahavorkaj ab vydzialeńni dalejšaj finansavaj dapamohi Kijevu z-za karupcyi va Ukrainie.
U toj ža čas słavacki premjer kaža, što jahonaja kraina hatovaja «pry peŭnych umovach» pavialičyć svoj układ u biudžet ES, kab Ukraina atrymała pakiet dapamohi na 50 młrd jeŭra.
Ciapier čytajuć
Pasadzili advakata Dźmitryja Łajeŭskaha, jaki abaraniaŭ Babaryku i Znaka8
Pasadzili advakata Dźmitryja Łajeŭskaha, jaki abaraniaŭ Babaryku i Znaka
«Biełaruś jany bačać častkaj Rasii». Što značyć uzdym «Alternatyvy dla Hiermanii», nakolki daloka heta moža zajści i jak siabie pazicyjanavać biełarusam5151
Kamientary