U finale asieńniaj sieryi maskoŭskaj hulni «Što? Dzie? Kali?» prahučali dva pytańni ź Biełarusi. Ci zmahli na ich adkazać znataki?
U minułuju niadzielu ŭ Maskvie prajšoŭ finał asieńniaj sieryi intelektualnaj hulni «Što? Dzie? Kali?». Za stałom była maładaja kamanda Dyjany Sibul. Hulnia vykładziena ŭ internecie, ale pa biełaruskim telekanale ANT jana budzie pakazana zaŭtra, 29 kastryčnika. Tamu kali vy chočacie pahladzieć pieradaču, nie čytajcie hetaha tekstu.
U finale prahučali dva pytańni ź Biełarusi.
Pieršaje pytańnie było ad školnika z Homiela Mikity Ramanava. Znatakam vynieśli repradukcyju karcinu Illi Repina «Panienki siarod karoŭ», jakuju mastak napisaŭ u 1896 hodzie ŭ svaim majontku «Zdraŭniova» pad Viciebskam.
Na karcinie namalavanyja try rodnyja siastry ŭ pryhožych strojach.
Pytańnie hučała tak: «Baćka hetych dziaŭčat u kancy XIX stahodździa tak zachapiŭsia sielskaj haspadarkaj, što mieŭ u haspadarcy 75 hiektaraŭ ziamli, 45 hiektaraŭ lesu, 40 hałoŭ žyvioły i navat składaŭ tablicy sievazvarotu. Chto hety čałaviek?».
Znataki padumali, što raz u tekście zhadka pra tablicy, to heta Dźmitryj Miendzialejeŭ.
Pravilny adkaz: heta byŭ sam Illa Repin. A pytańnie było faktyčna z razradu «nieviadomaje pra viadomych». Homielski školnik vyjhraŭ 100 000 rasijskich rubloŭ (na siońnia heta 3418 biełaruskich).
Taksama prahučała pytańnie ad minskaha doktara Alaksieja Nieścierava.
Znatakam vynieśli «staražytnuju kavamołku» (faktyčna heta turka z nasypanymi ŭ jaje zierniami kavy i taŭkačyk).
Pytańnie hučała nastupnym čynam: Ihar Sienčanka, aŭtar knihi pa historyi Katara śćviardžaje, što takaja reč słužyła nie tolki dla svajho niepasrednaha pryznačeńnia, ale ŭ raniejšyja časy vykonvała jašče adnu funkcyju. I heta reč znachodzicca za kulisami. Što znachodzicca za kulisami?
Znataki adkazali, što heta baraban, bo huk drableńnia kavy nahadvaje huk barabana.
Nasamreč huk drableńnia kavy byŭ nastolki čutny ŭ horadzie z ranicy z roznych damoŭ, što heta słužyła budzilnikam. Alaksiej Nieścieraŭ atrymaje 100 000 rasijskich rubloŭ (3 418 biełaruskich).
Znataki prajhrali z treskam 1:6, pryčym adziny adkaz jany dali tolki z dapamohaj kłuba.
Taksama nahadajem, što častka hulcoŭ pakinuła kłub paśla poŭnamaštabnaha ŭvarvańnia Rasii va Ukrainu. Kaciaryna Mieraminskaja, jakaja pakinuła kłub, skazała ŭ intervju «Nastojaŝiemu vriemieni», što stanam na pačatak vosieni maskoŭski elitarny kłub pakinuli 12 čałaviek. Heta Alaksiej Samuloŭ, pryznany ŭ Rasii zamiežnym ahientam i abvieščany ŭ vyšuk Raŭšan Askieraŭ, Mikałaj Krapil, Dzianis Haliakpieraŭ, biełaruska Darja Sałaviej dy inš.
Hulała hetaj vosieńniu (heta była pieršaja hulnia sieryi) kamanda kiraŭnika biełaruskaj viersii «Što? Dzie? Kali?» Alesia Muchina, i jana taksama razhromna prajhrała 1:6.
Suprać advakata i byłoha znataka Illi Novikava ŭ Rasii zaviali spravu ab dziaržzdradzie
Biełaruska Alena Povyšava zavajavała «Kryštalnuju savu» na «Što? Dzie? Kali?»
Jak Kazłoŭ, Patašoŭ i inšyja znaŭcy «Što? Dzie? Kali?» padtrymlivajuć Pucina ŭ vajnie
Hulniu «Što? Dzie? Kali?» ŭpieršyniu za doŭhi čas pakazali nie ŭ žyvym efiry. Mahčyma, bajalisia paŭtareńnia situacyi z płakatam
«Heta była čysta amierykanskaja hulnia, jakaja robicca na kaściach udzielnikaŭ». Barys Burda — pra «Što? Dzie? Kali?», jaje viadučych i hulcoŭ
Śpiecsłužby atrymali dostup da pierapiski ŭ Signal, choć sama prahrama ŭžo była vydalenaja. Toje samaje mahło być i z TH. Jak tak i jak zaścierahčysia?22
Kamientary