Biełaruś uvajšła ŭ top-20 krain pa eksparcie ŭzbrajeńniaŭ u śviecie. Raskazvajem, chto staŭ hałoŭnym atrymalnikam našaj zbroi
Bujny finansavy internet-partał Insider Monkey sa spasyłkaj na danyja Stakholmskaha mižnarodnaha instytuta pa vyvučeńni prablem śvietu (SIPRI) skłaŭ śpis z 30 krain, jakija majuć samyja vysokija pakazčyki pa kolkaści ekspartu ŭzbrajeńniaŭ na płaniecie.
Infarmacyja, na jakoj zasnavany analiz, tyčycca pieryjadu z 2018 pa 2022 hod. U raźlik brałasia kolkaść pradadzienych za miažu adzinak strałkovaha i inšych vidaŭ zbroi, a taksama kolkaść ekspartavanaha vajskovaha abstalavańnia i pasłuh.
Pavodle rejtynha, Biełaruś pa prodažy zbroi zajmaje 20-je miesca ŭ śviecie.
«Biełaruś uvachodzić u top-20 krain, jakija ekspartujuć bolš za ŭsio zbroi ŭ śviecie z dolaj kala 0,33% u ahulnym suśvietnym eksparcie ŭzbrajeńniaŭ za pieryjad z 2018 pa 2022 hod. Uvieś hety pieryjad Sierbija była najbujniejšym imparcioram zbroi ź Biełarusi, atrymaŭšy kala 33% ad jaje ahulnaha abjomu ekspartu ŭzbrajeńniaŭ», — piša partał Insider Monkey sa spasyłkaj na danyja Stakholmskaha mižnarodnaha instytuta pa vyvučeńni prablem śvietu.
U top-30 rejtynha Biełaruś abahnała takija krainy, jak Iran (28 miesca), Indyja (27 miesca) i Brazilija (23 miesca). Na adnu pazicyju Biełaruś adstała ad Polščy (19 miesca) i na try pazicyi — ad Ukrainy (17 miesca).
Samaj bujnoj u śviecie dziaržavaj pa eksparcie ŭzbrajeńniaŭ, pavodle śpisa, stali ZŠA. Na druhim miescy idzie Rasija, a zamykaje top-3 Francyja.
Prapahandysty tryumfujuć: armija Biełarusi — 12-ja ŭ śviecie. Ale jość niuans
«Vierchniaja piatla pravaj častki varot adarvałasia, i varoty ŭpali na staršaha lejtenanta». Belpol daviedaŭsia pra budni «12-j armii śvietu»
Jadziernaja hulnia Pucina i Łukašenki: u čym ža budzie rola biełarusaŭ i jakija mohuć być jaje nastupstvy?
Ciapier čytajuć
«Lena 20 rubloŭ» uziałasia za staroje: znakamitaja machlarka znoŭ razvodzić davierlivych biełarusaŭ9
Kamientary