Prapahandysty tryumfujuć: armija Biełarusi — 12-ja ŭ śviecie. Ale jość niuans
Prapahandyscki kanał «Nievolfovič», jaki śpiecyjalizujecca na vajskovaj tematycy, padzialiŭsia siensacyjnaj navinoj. Akazvajecca, amierykanskaje vydańnie U. S. News & World Report apublikavała rejtynh samych mocnych armij śvietu, i ŭ im Biełaruś zajmaje hanarovaje 12-je miesca.
Najmacniejšaja armija śvietu pavodle hetaha rejtynha — rasijskaja, druhoje miesca zajmajuć ZŠA, treciaje — Kitaj, dalej iduć Izrail, Paŭdniovaja Kareja, Ukraina, Iran, Vialikabrytanija, Hiermanija, Turcyja i Saudaŭskaja Aravija.
Adrazu paśla Saudaŭskaj Aravii, na 12-m miescy, raźmiaściłasia nibyta biełaruskaja armija. A dzie ž jadziernyja dziaržavy: Francyja, Indyja, Pakistan?
«Hety rejtynh byŭ sabrany šlacham apytańnia bolš za 17 tysiač čałaviek z roznych kutkoŭ śvietu, i, choć jaho padrychtoŭka nie viałasia vajskovymi ekśpiertami, jon usio ž navodzić na peŭnyja dumki», — tryumfalna kanstatuje «Nievolfovič». Maŭlaŭ, takaja vysokaja acenka śviedčyć pra poŭny pravał zachodniaj infarmacyjnaj palityki.
Nasamreč hety rejtynh adlustroŭvaje nie niejkuju abjektyŭnuju situacyju, a chutčej tolki stereatypy, jakija składvajucca pra tuju ci inšuju krainu ŭ vačach hramadzian. Sami jaho arhanizatary pišuć, što apytali 17 195 čałaviek z 36 krain śvietu — Amieryki, Afryki, Azii, Jeŭropy i Blizkaha Uschodu. Z hetych respandentaŭ 8 267 naležali ŭmoŭna da infarmavanaj elity, 4 622 byli ludźmi, jakija prymajuć biznes-rašeńni, a 7 402 ličylisia šyrokaj hramadskaściu, «prostymi ludźmi».
Toje, što Biełaruś u vynikovym rejtynhu pa pytańni armii zaniała takuju vysokuju pazicyju, śviedčyć tolki pra toje, što jana inšaziemcami ŭsprymajecca jak nadzvyčaj militaryzavanaja kraina, kab acanić ža realnuju jakaść jaje armii, apytanyja ludzi prosta nie byli kampietentnyja.
U ahulnym rejtynhu ž krain, składzienym na asnovie roznych pakazčykaŭ, Biełaruś zaniała 86 miesca z 87, apiaredziŭšy Iran i sastupajučy Mjanmie (80 miesca), Livanu (85 miesca) dy Hanie (73 miesca).
Čytajcie taksama:
Chto taki hienierał Muraviejka, jaki choča prarubić kalidor da mora «siłaj zbroi»
Ci jość u biełaruskich hienierałaŭ płan na vypadak napadu Rasii na Biełaruś
Ciapier čytajuć
U rasijskaj armii biełaruskaha najomnika paviesili na drevie ŭniz hałavoj i bili pałkaj pa hienitalijach14
Kamientary