Pad Hrodnam likvidavali padpolny brovar, na jakim samahonku nastojvali ŭ dubovych bočkach
U Hrodzienskim rajonie milicyja natrapiła na padpolny brovar, na jakim vyrablali elitny samahon, paviedamili va UUS Hrodzienskaha abłvykankama.
«31 kastryčnika supracoŭniki UAPPa pry siłavoj padtrymcy AMAPa pravodzili rejdavyja mierapryjemstvy na terytoryi Hrodzienskaha rajona, nakiravanyja na vyjaŭleńnie ačahoŭ samahonavareńnia. Na adnym z chutaroŭ u vioscy Sambory pravaachoŭniki vyjavili mini-zavod pa vytvorčaści samahonki», — raskazali ŭ hrodzienskaj milicyi.
Na miescy było vyjaŭlena amal 7000 litraŭ samahonnaj brahi, bolš za 280 litraŭ hatovaha praduktu i samahonny aparat.
Chutka byŭ ustanoŭleny i ŭładalnik brovara. Im akazaŭsia 30-hadovy žychar Śvisłackaha rajona.
Mužčyna padyšoŭ da spravy vielmi hruntoŭna: uvieś samahon jon nastojvaŭ u dubovych bočkach.
Hatovaja pradukcyja i braha byli, jak śćviardžajecca, źniščanyja, samahonny aparat kanfiskavany. Za heta parušeńnie hramadzianinu pahražaje štraf da 5 bazavych vieličyń.
Kamientary