Žychar Vierchniadźvinskaha rajona pačastavaŭ susieda kraftavym samahonam, a toj zdaŭ jaho ŭ milicyju
Uvahu siłavikoŭ vytvorca samahonu pryciahnuŭ paśla taho, jak pačastavaŭ znajomaha vypiŭkaj ułasnaha vyrabu, paviedamlajuć «Narodnyja naviny Viciebska».
Vyśvietliłasia, što ŭ haspadarčaj pabudovie na prysiadzibnym učastku ŭ jaho była arhanizavana padpolnaja vytvorčaść samahonki: milicyja znajšła aparat dla pierahonki i 7 bidonaŭ z brahaj ahulnym abjomam kala 300 litraŭ. Ułasna samahon siłaviki zmahli znajści tolki ŭ małych kolkaściach.
Uładalnik padvorka zapeŭnivaŭ, što ŭ znojdzienych u jaho bidonach źmiaščajecca zusim nie braha, a korm dla śviniej. Milicyja kanfiskavała hety «korm» i nakiravała jaho na ekśpiertyzu, taksama da ekśpiertaŭ adpraviŭsia i haściniec, padorany susiedu.
Sudovy ekśpiert ustanaviŭ, što ŭ bidonach utrymlivalisia śpirtaźmiaščalnyja vadkaści macunkam ad 13 da 14,6 %, a vyjaŭlenyja arhanaleptyčnyja pakazčyki i najaŭnaść praduktaŭ śpirtavoha zakisańnia pakazvajuć na toje, što jany źjaŭlajucca brahaj — paŭfabrykatam dla vyrabu mocnaha ałkaholnaha napoju — samahonki.
U vyniku žychara Vierchniadźvinskaha rajona aštrafavali na 512 rubloŭ, paviedamlaje aficyjny pradstaŭnik upraŭleńnia HKSE pa Viciebskaj vobłaści Taćciana Sierabrakova.
Ciapier čytajuć
Što viadoma pra zatrymanych radyjoamataraŭ, jakim pahražaje až da rasstrełu15
Kamientary