Rasijski pradziusar Fadziejeŭ raspavioŭ, jak jamu ratavali hołas u Minsku: Ažno dajšło da Administracyi Łukašenki
Učora ŭ «Minsk-Arenie» byŭ kancert rasijskaha pradziusara i śpievaka Maksima Fadziejeva. Tam sabrałasia bolš za 9 tysiač čałaviek. Ale vystupleńnie mahło nie adbycca.
U sacsietkach Fadziejeŭ patłumačyŭ, što mocna zachvareŭ zranku i chacieŭ admianić kancert, bo fanahramy niama, a pieć nie moh. Navat zapisaŭ zvarot, što nie vystupić i viernie ludziam hrošy.
«Za niekalki hadzin ni z taho ni ź siaho zakłała horła», — kaža.
Ale pradziusaru dapamahli.
«Siłami… ažno dajšło da Administracyi prezidenta, nam dapamahli chutka znajści fanijatara», — padzialiŭsia Fadziejeŭ.
Letaś u listapadzie Fadziejeŭ naviedvaŭ Minsk i paśla pajezdki napisaŭ post, dzie rassypaŭsia dyfirambami pierad tym Łukašenkam.
«Hulajučy pa vulicach, zachodziačy ŭ vašy kramy i maleńkija kaviarni, ja ździviŭsia tamu, što Baćku ŭdałosia zachavać absalutna ŭsio, što było honaram savieckaha času — i lohkuju pramysłovaść, i sielskuju haspadarku, zavody».
A pra post u 2020-m, dzie asudziŭ žorstkaść Łukašenki, apraŭdvaŭsia: padstavili.
«U toj niespakojny dla Biełarusi hod u nas u ofisie na pasadzie kantent-mieniedžara pracavaŭ chłopiec ź Biełarusi. Majučy dostup da maich akaŭntaŭ, jon samavolna apublikavaŭ post, jaki nijak nie adlustroŭvaŭ majoj pazicyi pa situacyi ŭ Biełarusi», — pisaŭ Fadziejeŭ.
Ciapier čytajuć
Kryk dušy Biaspałava pra Cichanoŭskaha: Jon pieratvarajecca ŭ Łukašenku 2.0, heta trajanski koń53
Kamientary