Nastupny hod budzie vyrašalnym u vajnie Rasii suprać Ukrainy, zajaviŭ kiraŭnik ofisa prezidenta Ukrainy Andrej Jarmak padčas svajho vizitu ŭ ZŠA.
U svaim vystupie Andrej Jarmak paćvierdziŭ rašučaść Ukrainy zmahacca da pieramohi i paćvierdziŭ, što ŭkraincy zaniali levy bierah Dniapra.
«My rašuča nastrojenyja na adnaŭleńnie suvierenitetu Ukrainy na ŭsioj jaje mižnarodna pryznanaj terytoryi.
Niahledziačy ni na što, Uzbrojenyja siły Ukrainy zachapili płacdarm na levym bierazie Dniapra. Krok za krokam jany demilitaryzujuć Krym.
My prajšli 70% dystancyi. I naša kontrnastupleńnie praciahvajecca», — skazaŭ jon.
Jon taksama zajaviŭ pra nieabchodnaść pastavak dadatkovych sistem uzbrajeńniaŭ, kab umacavać supraćpavietranuju abaronu Ukrainy pierad nadychodam zimy, kali Rasija moža znoŭ pačać atakavać hramadzianskuju enierhietyčnuju infrastrukturu.
Taksama jon zajaviŭ pra žadańnie adnavić pracu aeraporta va Ukrainie.
«Skažu vam praŭdu: i ŭ nas hetaja zima budzie ciažkaj. Jany znoŭ buduć rabić sproby teroru suprać našych hramadzian, atakavać elektrasietki i infrastrukturu. Ale załoham vyzdaraŭleńnia stanie ŭzmacnieńnie supraćpavietranaj abarony. Ukrainie patrebny nadziejny parason dla rekanstrukcyi. Takoje ŭzmacnieńnie, u pryvatnaści, daść mahčymaść zapuścić adzin z aeraportaŭ Ukrainy. My ŭžo pracujem nad hetym z našymi partniorami. Heta znak taho, što nastupiŭ pierałom u vajnie. I nastupny hod stanie vyrašalnym u hetym», — skazaŭ jon.
Vizit Jermaka ŭ ZŠA prachodzić na fonie sprečak u Kanhresie i Sienacie ab novym tranšy dapamohi Ukrainie.
Ciapier čytajuć
U biełaruski ŭ Italii zabrali dvuch synoŭ — bo jana nie pryznavała dziaržavu i nie adpuskała dziaciej u škołu i da doktara5
Kamientary