U minskich hatelach na navahodnija śviaty ŭžo zareziervavali pieravažnuju bolšaść numaroŭ
U abjadnańni «Staličny handal i pasłuhi» raskazali, kolki numaroŭ zabraniravali turysty ŭ hatelach na navahodnija i kaladnyja śviaty i ŭ jakuju sumu abydziecca bankiet.
«Užo ź vieraśnia viadziecca aktyŭnaje reziervavańnie ŭ našych hatelach. Pa danych na 16 listapada, z 30 śniežnia 2023 hoda da 7 studzienia 2024 hoda zabraniravana kala 87% numarnoha fondu i kala 90% navahodnich karparatyŭnych mierapryjemstvaŭ», — raskazali ŭ abjadnańni.
Košt bankieta na adnu asobu ŭ haściničnych kompleksach składaje ad 120 da 240 rubloŭ, u navahodniuju noč — ad 180 da 450 rubloŭ.
«Staličny handal i pasłuhi» abjadnoŭvaje 13 hatelaŭ na 1,9 tys. numaroŭ, što składaje kala 30% jomistaści hatelnaha rynku stalicy. Hateli adroźnivajucca pa ŭzroŭni zornaści i taryfach.
Raniej paviedamlałasia, što ŭ top-5 inšaziemnych haradoŭ, u jakija na Novy hod źbirajucca vyjazdžać rasijanie, uvachodziać try biełaruskija — Minsk, Brest i Hrodna. Možna mierkavać, što i pieravažnaja bolšaść klijentaŭ minskich hatelaŭ — mienavita jany.
Kamientary