U Minskuju infiekcyjnuju balnicu davoli časta pastupajuć pacyjenty z kavidam
U stalicy taksama adznačajecca ŭzdym zachvorvańnia na reśpiratornyja infiekcyi
Pa epidemijałahičnych prahnozach, pik zachvorvańnia na vostryja reśpiratornyja infiekcyi, hryp i COVID-19 pryjdziecca na studzień-luty. Pakul situacyja kantralavanaja, piša Blizko.by.
— Adznačajecca ŭzdym siezonnych reśpiratornych infiekcyj, — kaža Śviatasłaŭ Vielhin, namieśnik hałoŭnaha doktara Minskaj haradskoj infiekcyjnaj kliničnaj balnicy. — Hryp pakul rehistrujecca ŭ adzinkavych vypadkach.
Dosyć časta pastupajuć pacyjenty z COVID. Na ranicu 27 listapada ŭ ich było 76 pacyjentaŭ, skazaŭ Vielhin.
Virus mienš patahienny, čym minułyja chvali pandemii. Heta varyjanty «amikrona», jaki praciakaje jak lohkaje reśpiratornaje zachvorvańnie, ale ŭ niekatorych pacyjentaŭ z hrupy ryzyki praciakaje dastatkova ciažka.
Nahadajem, što raniej raspracoŭščyki «Sputnika V», jakim pryščaplajuć u Biełarusi, pryznali, što pieršapačatkovy varyjant vakcyny staŭ nieefiektyŭny pierad novymi štamami, a abnoŭleny varyjant źjavicca ŭ šyrokim užytku nie raniej za sakavik.
Mahčyma, u śniežni źjavicca novaja viersija adnakampanientnaha «Sputnika łajt».
U Biełarusi taksama pryščaplajuć kitajskaj vakcynaj Vero Cell i kubinskaj «Sabierana plus» dla revakcynacyi.
Ciapier čytajuć
Viktar Łukašenka zaśviaciŭ na pasiadžeńni NAK svoj hadzińnik — ciažki luks19
Viktar Łukašenka zaśviaciŭ na pasiadžeńni NAK svoj hadzińnik — ciažki luks
«Čas, jaki patrabuje nadzvyčajnaj aściarožnaści». Polski vunderkind, jaki staŭ hałoŭnym navukoŭcam OpenAI, patłumačyŭ, čamu mienavita zaraz ŠI moža vyrvacca z-pad kantrolu88
Kamientary