Ci zakryvać unitaz pierad zmyvańniem? Navukoŭcy dali kančatkovy adkaz

Evan Fłojd, prafiesar hihijeny pracy i navakolnaha asiarodździa ŭ amierykanskim University of Oklahoma Health Sciences Center, razumieje, što nie ŭsie zakryvajuć unitaz, pierad tym jak zmyć. «Praŭda, nie tak šmat ludziej i chvarejuć ad zmyvańnia vady va ŭnitazie», — cytuje spadara Fłojda Inverse. 

Ale jon taksama pryznaje, što dokazy demanstrujuć, što zakrytaja nakryŭka źmianšaje ŭździejańnie na nas bakteryj i virusaŭ, jakija žyvuć va ŭnitazach.

Pyrski ad źlivu traplajuć na bližejšyja pavierchni. Hetyja kropli mohuć vyklikać zachvorvańni pry niepasrednym kantakcie: kali dakranucca da hetych pavierchniaŭ, na rukach u vas mohuć zastacca bakteryi, jakija ŭtrymlivajucca ŭ hetych kroplach. Adnak isnuje i tak zvany sprej — vada ŭ vyhladzie aerazolu, jaki paśla źlivu zastajecca ŭ pavietry i bakteryi ź jakoha mohuć trapić u dychalnuju abo straŭnikava-kišačnuju sistemy.

Takim čynam, choć ryzyka zaražeńnia i «zaležyć ad mnostva faktaraŭ» i, pa vialikim rachunku, minimalnaja, treba viedać, ŭ hramadskich tualetach jana davoli istotnaja.

Prafiesar Fłojd padkreślivaje, što zakryćcio nakryŭki ŭnitaza značna źmianšaje «vykid bakteryj u atmaśfieru».

Inšy faktar ​​zychodzić ad samoj papulacyi ŭzbudžalnika. Jon kaža, što nie ŭsie patahiennyja mikraarhanizmy sapraŭdy nastolki zaraznyja. Tak, niekatorym infiekcyjam dla taho, kab zarazić čałavieka, patrebnyja ŭsiaho dva-try ŭzbudžalniki; u toj čas jak inšyja, dla jakich patrebnyja sotni ŭzbudžalnikaŭ, ujaŭlajuć značna mienšuju ryzyku. Adnak kali na scenu vychodzić, naprykład, takoje infiekcyjnaje zachvorvańnie, jak Covid-19 — to ryzyka staje nieviadomaj, tamu što ŭ takim vypadku treba jašče vyśvietlić paroh, jaki vykliča infiekcyju.

Rehularnaja sanitarnaja apracoŭka zvodzić da minimumu zabrudžvańnie pavietra i pavierchniaŭ. Nie mienšuju rolu adyhryvaje pravilnaja vientylacyja ŭ sanvuzłach. Rehularnaja čystka prybiralni taksama źnižaje i kolkaść chvarobatvorčych mikraarhanizmaŭ u adnym zmyvie. Kali tualetnaja vada brudnaja, tady i pyrski buduć praparcyjna bolš brudnymi. 

Fłojd kaža, što paśla ačystki vada va ŭnitazie dasiahaje maksimalnaha zabrudžvańnia paśla čatyroch-siami zmyvaŭ. Paśla piatnaccataha źlivu punkt zabrudžvańnia stabilizujecca, što śviedčyć ab zabrudžvańni pavierchni pyrskami. Majučy heta na ŭvazie, treba źviartać uvahu na kolkaść razoŭ, kali ŭnitaz byŭ zmyty, kab vyznačyć stupień zabrudžvańnia, a nie toje, kolki dzion prajšło z apošniaj čystki.

Takim čynam, dobra kali va ŭnitazie jość nakryŭka. A kali jana jość, to vykarystoŭvajcie jaje, raz jana jość.

• 23
• 0
• 6
• 8
• 12
• 5
• 4
• 0