Novaje daśledavańnie pakazvaje, što baćki, jakija znachodziacca ŭ źlohku tryvožnym ci pryhniečanym stanie, vychoŭvajuć dziaciej ź mienšaj kolkaściu prablemaŭ u pavodzinach i ź lepšymi zdolnaściami.
Daśledavańnie, vyniki jakoha apublikavanyja ŭ časopisie Frontiers of Psychology, pakazvaje, što báćki, jakija znachodziacca ŭ źlohku tryvožnym ci pryhniečanym stanie, vychoŭvajuć dziaciej ź mienšaj kolkaściu prablemaŭ u pavodzinach. Takija dzieci ŭ 6-8 hadoŭ pakazvajuć lepšyja vyniki testaŭ na razumovyja zdolnaści.
Vučonyja nazirali za 36 chłopčykami i 25 dziaŭčynkami, a taksama ichnimi maciarami i báćkami z metaj vyvučeńnia, jak źviazany depresiŭnyja ci tryvožnyja simptomy mužčyn, vymieranyja padčas ciažarnaści žonak, a taksama kali dzieciam było 6-8 hadoŭ, z kahnityŭnymi zdolnaściami i pavodzinami dziaciej.
Vyniki daśledavańnia abvierhli pieršapačatkovuju hipotezu ab tym, što psichičny stan baćki maje niespryjalnyja nastupstvy dla psicha-sacyjalnaha raźvićcia naščadka.
Vučonyja źbirali źviestki pra stan tryvožnaści, stres, depresiŭnyja simptomy i sacyjalna-demahrafičnyja pakazčyki (adukacyja i dachod siamji, spažyvańnie ałkaholu i kureńnie), usprymańnie baćkoŭskich abaviazkaŭ i indeks jakaści šlubu baćki i maci padčas ciažarnaści i praz 24 miesiacy paśla naradžeńnia dziciaci.
Taksama padčas daśledčaha vizitu, kali dzicio mieła 6-8 hadoŭ, byli atrymany źviestki pra psichičnaje zdaroŭje abodvuch baćkoŭ, kahnityŭnyja zdolnaści dziaciej i ich pavodziny. Akramia hetaha vučonyja sabrali źviestki pra poŭnuju historyju zdaroŭja baćkoŭ i dziciaci.
Pavodle atrymanych danych, dzicio, čyj baćka paviedamlaŭ ab bolš vysokim uzroŭni depresiŭnych simptomaŭ, mahło bolš praciahły čas spakojna siadzieć, radziej stračvała samavałodańnie i mieła lepšuju kancentracyju ŭvahi. Standartyzavanyja testy taksama pakazali bolš vysoki ŭzrovień IQ.
Takija vyniki rezka kantrastujuć z upłyvam drennaha psichičnaha zdaroŭja maci na ich dziaciej. Šmat daśledavańniaŭ pakazała, što maci z depresiŭnymi ci tryvožnymi schilnaściami vychoŭvajuć dziaciej z bolšymi, a nie ź mienšymi prablemami ŭ pavodzinach i kancentracyi ŭvahi.
Jak tłumačać vučonyja, adnoj z mahčymych pryčyn taho, čamu baćkaŭski stres maje supraćlehły efiekt, zaklučajecca ŭ tym, što baćki, mahčyma, mieli lepšuju nastrojenaść na vykanańnie baćkoŭskich abaviazkaŭ (lepšaje ŭśviedamleńnie emocyj svajho dziciaci i reahavańnie na ich), z metaj «kampiensacyi» faktaraŭ ryzyki navakolnaha asiarodździa, siarod jakich maciarynskija simptomy depresii ci tryvohi.
U toj ža čas, jak adznačajuć aŭtary, nieabchodna pravieści dadatkovyja daśledavańni dla taho, kab zrazumieć adpaviednyja roli i sukupny ŭkład abodvuch baćkoŭ u raźvićcio dziciaci. Vučonyja taksama źviartajuć uvahu, što atrymanyja vyniki nie mohuć być raspaŭsiudžany na baćkoŭ, jakija majuć kliničnyja ŭzroŭni depresii i tryvohi.
Čytajcie jašče:
Žančyny, jakija pieražyli paślarodavuju depresiju, raskazali, jak adolvali ciažki stan
Ciapier čytajuć
«Adhuknuŭsia na 95% abjaŭ — i ŭsie admovili». Rasijaninu nie chočuć zdavać kvateru ŭ Hrodnie10
Kamientary