Pamierła mastačka viadomych multfilmaŭ «Žyŭ-byŭ pios», «Vini-puch», «Kanikuły ŭ Prastakvašynie»
Saviecki i rasijski mastak-multyplikatar i režysior Natalla Bahamołava pamierła ŭ sieradu va ŭzroście 83 hadoŭ. Pra heta paviedamiŭ u svaim telehram-kanale šef-redaktar «Sajuzmultfilma» Siarhiej Kapkoŭ.
«Siońnia syšła Natalla Eduardaŭna Bahamołava. Adna z najlepšych, lehiendarnych majstroŭ multyplikatu, z tych, chto stvaraŭ novy tvar savieckaj animacyi. Revalucyjnaje kino Fiodara Chitruka — «Historyja adnaho złačynstva» — stała startam dla mnohich paśla znakamitych pačatkoŭcaŭ, častka ź jakich vysunułasia ŭ režysiory, častka zastałasia adtočvać «akciorskaje» majsterstva. Nataša zastałasia: «Vini-Puch», «Dzied Maroz i leta», «Kaciarok», «Poni biehaje pa kole», «Bobik u haściach u Barbosa», «Kaciania pa imieni Haŭ», «Baba-Jaha suprać», «Kanikuły ŭ Prastakvašyna», «Chalif-busieł», «Žyŭ-byŭ pios», «Karaleŭski buterbrod», — napisaŭ jon u telehram-kanale.
Pa słovach Kapkova, u filmahrafii Bahamołavaj zvyš 200 multfilmaŭ, jana pracavała až da 2015 hoda. «U novym stahodździ jana adušaviła hierojaŭ karcin «Z žyćcia razbojnikaŭ», «Pra łysuju pryncesu», «Miadźviedžy kut», «Dzień naradžeńnia Alisy», «Tajamnica Sucharavaj viežy», «Kazki staroha pijanina», «Dzień miadźviedzia», — dadaŭ jon.
Ciapier čytajuć
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia4
Pamiatajecie Daniiła z Ofisa Cichanoŭskaj, jakomu za dva dni sabrali hrošy na ankałahičnuju apieracyju? Jamu napisaŭ toj samy adnakłaśnik, jaki jaho ŭdaryŭ — z čaho ŭsio i pačałosia
«I ŭpieršyniu prahučała: fašysty-łukašysty». Čarnobylski Šlach — 1996 va ŭspaminach vidavočcaŭ, jakija praź dziesiacihodździ paśla taho dnia stali mužam i žonkaju22
Kamientary