Hramadstva11

Nazvany pieramožcy Nacyjanalnaj pravaabarončaj premii

U Vilni 10 śniežnia, u Dzień pravoŭ čałavieka, uznaharodzili pieramožcaŭ Premii biełaruskaj pravaabarončaj supolnaści, paviedamlaje BAŽ. Premija ŭručajecca štohod za dasiahnieńni ŭ halinie pravoŭ čałavieka.

Pravaabaronca hoda

Sioleta ŭ hetaj naminacyi dva pieramožcy — Aleh Ahiejeŭ i Natalla Mackievič. 

Aleh Ahiejeŭ — namieśnik staršyni Biełaruskaj asacyjacyi žurnalistaŭ. Z 2015 hodu jon kiruje Pravavym centram BAŽ, pracuje ŭ śfiery svabody vykazvańnia i svabody ŚMI. Jak ekśpiert, lektar i trenier udzielničaŭ u šmatlikich adukacyjnych prahramach pa navučańni pravam čałavieka. Paśla pieratrusu 16 lutaha 2021 hoda spadar Ahiejeŭ vymušany byŭ pakinuć Biełaruś i ciapier praciahvaje dziejnaść u BAŽ za miažoj.

Natalla Mackievič — advakat. Vystupała abaroncam u rezanansnych palityčnych pracesach: abaraniała kandydataŭ u prezidenty Viktara Babaryku i Siarhieja Cichanoŭskaha, anarchista Mikołu Dziadka. Była abaroncam u šmatlikich inšych palityčna matyvavanych spravach. Była pazbaŭlenaja licenzii ŭ kastryčniku 2021 hoda, paśla 27 hadoŭ advakackaj praktyki. Akramia pracy advakatam, Natalla Mackievič šmat hadoŭ pracuje ŭ adukacyi ŭ śfiery pravoŭ čałavieka. Źjaŭlajecca ekśpiertam pa nacyjanalnaj sistemie abarony pravoŭ čałavieka i miechanizmam abarony pravoŭ čałavieka AAN.

Žurnalist hoda

Palitviazień Alaksandr Mancevič staŭ pieramožcam u hetaj naminacyi.

Alaksandr Mancevič — zasnavalnik i hałoŭny redaktar niezaležnaj hramadska-palityčnaj «Rehijanalnaj haziety» ŭ horadzie Maładečna.

U 2023 hodzie jaho aryštavali i asudzili na 4 hady pazbaŭleńnia voli. Spadar Mancevič viny nie pryzaŭ i pierad prysudam vystupiŭ sa śmiełym apošnim słovam.

Pravaabarončaja kampanija/inicyjatyva hoda

U naminacyi pieramahła słužba evakuacyi BYSOL.

Kirunak «Evakuacyja» fondu BYSOL dapamahaje z ekstranym vyjezdam ź Biełarusi tym, kamu pahražaje palityčna matyvavanaja kryminalnaja adkaznaść. Da ich źviartajucca aktyvisty, dvaravyja inicyjatyvy, pravaabaroncy, žurnalisty i inšyja. 

Za amal try hady isnavańnia słužba evakuacyi BYSOL dapamahła vielizarnaj kolkaści ludziej pakinuć krainu i ŭratavać svaju svabodu. 

1848 čałaviek ahułam atrymali padtrymku słužby: kansultacyju ci supravadžeńnie vyjezda.

Pravaabarončaja salidarnaść hoda

Pieršym pieramožcam u novaj naminacyi Premii biełaruskaj pravaabarončaj supolnaści stała Palina Šarenda-Panasiuk.

Palina Šarenda-Panasiuk — hramadskaja aktyvistka ź Bieraścia. Była zatrymanaja 3 studzienia 2021 hoda, atrymała dva hady kałonii.

U 2022 hodzie joj prysudzili jašče adzin hod kałonii pa artykule 411 KK. Palina stała pieršaj žančynaj u Biełarusi, asudžanaj pa hetym artykule. A sioleta na aktyvistku zaviali jašče adnu kryminalnuju spravu. Ahułam jana atrymała termin u 4 hady źniavoleńnia. 

Na Palinu Šarendu-Panasiuk mocna cisnuć u turmie: rehularna źmiaščajuć u štrafny izalatar, nie pieradajuć joj praduktovyja pieradačy ad svajakoŭ i banderoli ź lekami.

«Pravaabarončaja salidarnaść» — novaja naminacyja. Na jaje vyłučajecca asoba, jakaja paciarpieła ad represijaŭ i cisku sioleta i/ci ŭ papiarednija hady za svaju dziejnaść pa prasoŭvańni i/ci abaronie pravoŭ čałavieka ŭ Biełarusi.

Kamientary1

  • KažyPraŭdu
    10.12.2023
    Mancevič i Šarenda-Panasiuk - zrazumieła. Ale što vybitnaha zrabili astatnija, kab atrymoŭvać niejkija premii? 
    Ahiejeŭ i Mackievič znachodziacca ŭ biaśpiecy za miažoj, ale vynikaŭ ich pracy pa pryciahnieńni złačyncaŭ dyktatara za adkaznaści - nul.
    "Słužba evakuacyi Bajsoł" - uvohule śmiech niejki: budučy na zarobku hrantavym, kupić kvitok na ciahnik ci aŭtobus dy zrabić vizu praź Jurkonisa - heta vialiki ŭniosak, kab premii razdavać? Dziasiatki zvyčajnych biełarusaŭ za miažoj bieź pijaru i biez hrantavych zarobkaŭ, z ułasnaje inicyjatyvy dapamahajuć sapraŭdy evakujavacca biełarusam lasami-palami praź miažu - čamu nivodzin ź ich nie uhanaravany nijakaj premijaj? Navošta hetaja premija bajsołu, kali b prostym ludziam jana b sapraŭdy prydałasia!

Ciapier čytajuć

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Usie naviny →
Usie naviny

Biełaruś atrymała aficyjnaje paviedamleńnie ad polskaha boku pra adkryćcio miažy

Rasijski čynoŭnik uciok z-pad kanvoju ŭ sudzie i schavaŭsia ŭ konsulstvie Armienii. Historyja skončyłasia trahična3

Cichanoŭskaja sustrakałasia z Kiełaham u Ńju-Jorku6

Snoop Dogg zhadziŭsia pravieści kancert u Rasii5

Rekłamny banier z Alaksandram Hlebam paviesili na tym skryžavańni ŭ Minsku, dzie jon staŭ udzielnikam śmiarotnaj avaryi12

Naŭrocki ŭ AAN nazvaŭ situacyju z pravami čałavieka ŭ Biełarusi pryjarytetam Polščy5

Pryznańnie paleścinskaj dziaržavy: ZŠA zastajucca adzinaj siłaj, čyj hołas budzie mieć vyrašalnaje značeńnie15

«Rejv na zavodzie». Zumiery padymajuć prodažy biełaruskich pradpryjemstvaŭ, zdymajučy virusny kantent14

Zialenski nazvaŭ umovu vyłučeńnia Trampa na Nobieleŭskuju premiju3

bolš čytanych navin
bolš łajkanych navin

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu19

Ziankovič nazvaŭ imia pravakatara, ź jakoha pačałasia sprava zmoŭščykaŭ suprać Łukašenki. Jaho karjera ciapier pajšła ŭharu

Hałoŭnaje
Usie naviny →

Zaŭvaha:

 

 

 

 

Zakryć Paviedamić