Biełaruś uvajšła ŭ trojku pa kolkaści źniavolenych žurnalistaŭ
U 2023 hodzie (za 11 miesiacaŭ da 1 śniežnia) pry vykanańni prafiesijnych abaviazkaŭ u śviecie byli zabityja 45 žurnalistaŭ. Pra heta havorycca ŭ štohadovaj spravazdačy arhanizacyi «Reparciory bieź miežaŭ».
Bolš za ŭsio žurnalistaŭ (23 čałavieki) zahinuła ŭ zonach vajennych kanfliktaŭ. Ź ich 17 čałaviek byli zabityja ŭ siektary Haza, Izraili i Livanie, piša «Mieduza».
Va Ukrainie z pačatku 2023 hoda, pavodle źviestak «Reparcioraŭ bieź miežaŭ», zahinuli dva žurnalisty.
Jak adznačajuć aŭtary daśledavańnia, u 2023 hodzie zahinuła mienš žurnalistaŭ, čym hinuli kožny hod z 2002-ha.
U turmie za svaju dziejnaść ciapier znachodzicca 521 žurnalist, padličyli aŭtary dakładu.
Bolš za ŭsio źniavolenych — u Kitai (121) i Mjanmie (68).
U Biełarusi z ulikam tych, chto vyzvaliŭsia z kałonii, — 39 žurnalistaŭ (32 zaraz u źniavoleńni). U Rasii ŭ SIZA i kałonijach znachodziacca 28 žurnalistaŭ.
Za apošnija 20 hadoŭ bolš za ŭsio žurnalistaŭ było zabita ŭ 2012 i 2013 hadach — 144 i 143 čałavieki adpaviedna. U hety čas adbyvalisia najbolš žorstkija bajavyja dziejańni ŭ Siryi i Iraku.
U 2022 hodzie byŭ zabity 61 žurnalist.
Ciapier čytajuć
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu8
Asudzili mazyrskaha błohiera Union Bell. Chłopiec niekalki hadoŭ chavaŭsia, ale paśla aryštu baćki byŭ vymušany źviarnucca ŭ balnicu
«Ja suprać. Movy, jakija pakinuli paśla siabie kałanizatary ŭ Afrycy, stali šlacham da cyvilizacyi». Aleksijevič adkazała, jak stavicca da admovy ad ruskaj movy va Ukrainie8888
Kamientary