Sud u Polščy vynies prysud čalcam «rasijskaj špijonskaj sietki». Siarod ich jość i biełarusy
Lublinski sud u aŭtorak vynies prysud 14 čalcam «rasijskaj špijonskaj sietki», jakija płanavali terakty i dyviersii na terytoryi Polščy. Siarod abvinavačanych byli ŭkraincy, dva biełaruskija studenty i adzin rasiejec, hulec polskaj chakiejnaj kamandy, pieradaje partał Onet.
«Usim była pastaŭlena ŭ vinu častka 1 artykuła 130 Kryminalnaha kodeksa Polščy (špijanaž). Niekatoryja z abvinavačanych byli častkaj arhanizavanaj złačynnaj hrupy, tamu jany dadatkova prachodziać pa adpaviednaj častcy 1 artykuła 65 KK», — skazaŭ sudździa Jarasłaŭ Kavalski, abviaščajučy vierdykt.
Jak adznačaje Onet, pieršapačatkova ŭsie złoŭlenyja špijony pryznali siabie vinavatymi i chacieli dobraachvotna supracoŭničać sa śledstvam, adnak paźniej dvoje fihurantaŭ vyrašyli admovicca ad supracoŭnictva i pryznańnia viny. Pa ich budzie asobny sud za špijanaž «na ahulnych umovach».
«Najbolšaje pakarańnie ŭ vyhladzie šaści hadoŭ pazbaŭleńnia voli atrymaŭ Arciom A. A samaje minimalnaje ŭ hod i miesiac turmy — Maryja M. (biełaruska Maryja Miadźviedzieva, jakaja advučyłasia ŭ Minsku na fakultecie žurnalistyki BDU i minułaj vosieńniu vyrašyła pieravieścisia ŭ Varšavu, va Univiersitet ekanomiki i humanitarnych navuk. — NN).
Usie asudžanyja taksama pavinny zapłacić 5 tysiač złotych na karyść fondu pravasudździa. Akramia taho, jany zapłaciać štraf u pamiery ad niekalkich dziasiatkaŭ tysiač złotych», — pieradaje Onet.
Rašeńnie Lublinskaha akruhovaha suda nie maje kančatkovaj siły. Prakuratura zadavolenaja rašeńniem sudździ. Try asudžanyja chutka buduć vyzvalenyja, bo z sakavika hetaha hoda jany znachodziacca pad vartaj i zmohuć padać zajavu na ŭmoŭna-daterminovaje vyzvaleńnie, padkreślivaje Onet.
Nahadajem, sioleta polskija śpiecsłužby zajavili, što razhramili rasijskuju špijonskuju sietku. Usiaho pa spravie byli zatrymanyja 22 hramadzianiny Biełarusi, Rasii i Ukrainy.
Pavodle viersii polskaha boku, jany viali nazirańnie za vajskovymi abjektami, infrastrukturaj i navat rychtavali dyviersii na čyhuncy, nakiravanyja suprać pastavak va Ukrainu vajskovych i humanitarnych hruzaŭ.
U Varšavie 24-hadovy biełarus pahražaŭ pistaletam. Jaho departavali
U Polščy pačaŭsia sud nad dvuma biełarusami, jakich abvinavačvajuć u špijanažy
10 hadoŭ pazbaŭleńnia voli dali Alaksandry Kasko, jakaja viarnułasia z-za miažy ŭ Biełaruś
Zatrymany za dyviersiju ŭ rasijskim tuneli biełarus — šmatdzietny baćka, jaki nie zmaŭčaŭ u 2020-m
Ciapier čytajuć
«Ty ŭ nas u Biełarusi!» — «Ja mamu tvaju ja*aŭ». Hościu z Ałtaja nie spadabałasia zaŭvaha za kinuty ŭ centry Minska niedakurak6
Kamientary