U Polščy pačaŭsia sud nad dvuma biełarusami, jakich abvinavačvajuć u špijanažy
Im pahražaje da 10 hadoŭ pazbaŭleńnia voli.
19 kastryčnika ŭ Poznani pačaŭsia sud nad dvuma hramadzianami Biełarusi, abvinavačvanymi ŭ špijanažy na karyść biełaruskaj vajskovaj raźviedki. Im pahražaje da 10 hadoŭ pazbaŭleńnia voli, paviedamlaje Most sa spasyłkaj na PAP.pl.
Andreja R. i Dźmitryja N. zatrymali ŭ krasaviku 2022 hoda, i z tych časoŭ jany ŭtrymlivalisia pad vartaj. Adzin ź ich byŭ vajskoŭcam (ciapier — vajskovy piensijanier). Inšy pa prafiesii muzykant-bubnač. U Polšču abodva pryjechali pracavać kiroŭcami.
Pavodle śledstva, jany nazirali za vajskovymi i cyvilnymi abjektami, jakija majuć krytyčna važnaje značeńnie dla abaranazdolnaści Polščy. Imavierna, havorka idzie ŭ tym liku pra transpartnuju infrastrukturu. Paviedamlajecca, što hetyja abjekty raźmiaščajucca na zachadzie Polščy.
Pakolki sprava źviazanaja ź dziaržaŭnaj tajamnicaj, sud vyrašyŭ, što publičnym budzie tolki čytańnie abvinavaŭčaha zaklučeńnia, a dalejšy sudovy praces projdzie za začynienymi dźviaryma.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»4
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary