Kvitki ŭ Varšavu imkliva daražejuć, a ź Minska da Hrodna na niekatoryja dni ŭžo raźmiali
Kvitki na kaniec śniežnia i pačatak studzienia na mnohija rejsy ź biełaruskich haradoŭ u Polšču ŭžo raspradadzienyja. Taksama niaprostaj vyhladaje situacyja i ź miescami ŭ maršrutkach sa stalicy ŭ abłasnyja centry.
Amal u dva razy daražej, čym zvyčajna
Składaniej za ŭsio situacyja vyhladaje ź biletami pa maršrucie Minsk-Varšava. U pieršyja dni novaha hoda dabracca ź Minska ŭ stalicu Polščy možna pa canie 200 rubloŭ za miesca, kali zvyčajna bilety ŭ hetym kirunku kaštujuć ad 110 da 140 rubloŭ. Na sajcie atlasbus.by zastalisia tolki čatyry kvitki z vyjezdam na 2 studzienia.
Pavyšeńnie cany tłumačycca ŭzrosłym popytam. Na sajcie pieravozčyka paznačana, što heta vymušanaja miera, jakaja dazvalaje pryciahnuć bolš maršrutak, kab miescaŭ chapiła bolšaj kolkaści pasažyraŭ.
Taksama vobmal biletaŭ na 3 studzienia. Ceny anałahičnyja — 200 rubloŭ za miesca. Aproč 2 i 3 studzienia, pavyšany košt biletaŭ i adpaviedny deficyt nazirajecca na 5 i 7 studzienia. Jašče składaniej vyjechać ź Minska ŭ Varšavu ŭ apošnija dni 2023 hoda. Usie bilety z vyjezdam na 30 i 31 śniežnia raspradadzienyja.
A voś pačynajučy z 9 studzienia ceny na kvitki viartajucca na stary ŭzrovień — ich možna nabyć pa 115 rubloŭ za miesca.
Nahadajem, što na piku ceny na bilety z Varšavy ŭ Minsk dasiahali 350 rubloŭ.
Pa maršrucie Minsk-Vilnia padobnych prablem nie nazirajecca. Niekalki volnych miescaŭ pakul što jość navat z vyjezdam ab 11-j ranicy 1 studzienia. Košt kvitkoŭ — 80 rubloŭ.
Jak situacyja z rejsami ŭnutry krainy
Niedachop kvitkoŭ nazirajecca i na rejsy, jakija złučajuć stalicu z abłasnymi centrami.
Tak, naprykład, na 23 śniežnia raspradadzienyja ŭsie kvitki ź Minska ŭ Mahiloŭ. Toje samaje z kvitkami na 29-31 śniežnia.
Ź Minska da Hrodna niama kvitkoŭ na 23 i 30 śniežnia. Tym nie mienš, u adroźnieńnie ad mižnarodnych rejsaŭ pavyšany popyt asabliva nie ŭpłyvaje na canu. Ź Minska ŭ Mahiloŭ možna dabracca za 25 rubloŭ, a ŭ Hrodna — za 30.
Čytajcie taksama:
Kolki ciapier zajmaje prachodžańnie miažy? Biełarusy pra pajezdki ŭ ES na aŭtobusach i aŭto
Ludzi raźbivajuć adzin adnamu hałovy. Z-za vielizarnaj čarhi na polska-biełaruskaj miažy ŭźnikajuć kanflikty
Pradukty, jakija ŭ Biełarusi kaštujuć tańniej, čym u susiednich krainach ES
Ciapier čytajuć
«U mianie tolki adna mara — viarnuć svajho Dzimku». Maci byłoha palitviaźnia Dźmitryja Hopty raskazvaje pra novuju biadu syna. I prosić zamaŭlać u jaje bolš tortaŭ, kab spravicca44
Kamientary