Na im namalavana biełaruskaja dziaŭčyna ź dziciom, jakaja pierajechała ŭ Tbilisi da muža.
Jana apranuta ŭ sukienku, pašytuju ŭ styli biełaruskaha narodnaha dyvana. Na fonie — hruzinskija narodnyja ŭzory z roznych halin mastactva: tkactva, kieramiki, juvielirnaha mastactva, piša telehram-kanał Chrysalis Mag.
Heta adzin z murałaŭ, stvoranych u miežach prajekta «Moj dom» ad Wow Wall Studio, zapuščanaha viasnoj 2022 hoda. Malunki raspaviadajuć historyi ludziej, vymušanych pakinuć svaje damy.
«Hetyja ludzi pavinny byli pakinuć paśla siabie ŭsio materyjalnaje, navat samaje kaštoŭnaje, toje, što składaje spadčynu, što trymaje historyju, źjaŭlajecca adnym z asnoŭnych kampanientaŭ kultury. Jany pavinny nieści z saboj svoj dom, navat bolš: jany — heta dom», — tak apisvajuć ideju prajekta.
Murał možna znajści pa adrasie 15 Geronti Kikodze St, Tbilisi.
Ciapier čytajuć
Dzieviać čałaviek pamierli ŭ Breście i Minsku — usim im uvodzili adnyja i tyja ž leki. U preparacie znajšli bakteryi4
Kamientary