Akunucca ŭ nastalhiju. Minčuki stvarajuć damki z vašaha dziacinstva ŭ minijaciury
Pakoi, zroblenyja pa fatahrafijach ź siamiejnych albomaŭ, i cełyja viaskovyja chatki, dzie prachodzili vašyja vakacyi ŭ babuli ŭ vioscy, — niezvyčajnaje chobi dvuch ramieśnikaŭ akunie vas u nastalhiju.
Alaksiej i Śniažana — muž i žonka, a ź niadaŭnich časoŭ jašče i kalehi. U Biełarusi padobnaha pakul nichto nie robić, a voś za miažoj takija miłyja štučki kaštujuć vializnych hrošaj i karystajucca vialikim popytam.
Niekalki hadoŭ tamu Śniažana zrabiła pieršy minijaciurny pakojčyk: Novy hod u maleńkaj savieckaj kvatercy, interjer i pradmiet pobytu jakoha znajomyja mnohim z nas. Usio — praktyčna dakładnaja kopija.
Zaraz da majstroŭ vybudoŭvacca čarha na hod napierad: ludzi žadajuć uznavić i zachavać svaje ciopłyja ŭspaminy ź dziacinstva.
Tochka.by pahladzieła, jak stvarajecca dakładnaja kopija vašych samych ščaślivych i ciopłych uspaminaŭ.
Miły dom
Śniažana pa adukacyi nastaŭnica anhlijskaj. Niejak dla ŭdziełu ŭ mižnarodnym prajekcie joj treba było zrabić niešta ź ničoha: paŭtorna vykarystoŭvać rečy, jakija apynulisia b na śmietniku. Tak zjaviłasia pieršaja šafka, zroblenaja z pałačak ad marožanaha. A zatym — i ceły pakoj.
«Viadoma, usio było, skažam tak, vielmi prymityŭna. A potym niejak zaciahnuła», — śmiajecca hierainia.
Ciapier Śniažana, a zaraz užo i Alaksiej robiać cełyja rumy: usio jak pa-sapraŭdnamu, tolki ŭ razy mienš (navat praporcyi pradmietaŭ i mebli vykanany). Domik chobita, bar z «Vostrych kazyrkoŭ», haścioŭni fakultetaŭ Hryfindor i Ślizeryn…
Ale samy časty zapyt — zrabić pakoj pa ŭspaminach abo fatahrafijach.
Kožnaja zamova — heta biaskoncaje abmierkavańnie detalaŭ, kab maksimalna praŭdapadobna ŭvasobić pakoj ci chatku. Padbirajucca materyjały dla mebli, kolery špaler, dyvany. I na pošuki maksimalna padobnych pradmietaŭ interjeru marnujecca vielmi šmat času: kali treba patrapić sapraŭdy ŭ koler, to Śniažana i Alaksiej hatovy ababiehčy ŭsie kramy i prahartać sotni sajtaŭ u internecie.
Kab stvaryć adzin taki pakojčyk, sychodziać biaskoncyja hadziny płanavańnia i abmierkavańni detalaŭ. I potym — karpatlivaja praca ŭ roznych technikach: ad raźby pa drevie i šyćcia da vykarystańnia epaksidnaj smały, lepki z hliny i šmat inšaha.
Bo hety maleńki pakojčyk ci dom, pa sutnaści, realistyčnaja kopija taho, z čym pryjšoŭ zakazčyk: tut usio jak u žyćci. I stvaryć toj samy babulin sierviz za škłom siekcyi treba taksama ŭ drabniutkich detalach i ŭručnuju.
Niama miažy fantazii
Siamiejnym padradam kiruje Śniažana. Ale jana kaža, što jaje muž prosta stvorany dla padobnaj karpatlivaj pracy: u jaho ŭsio atrymlivajecca idealna.
«Dy voś pryjšłosia padklučycca. Mnie spadabałasia. Pa sutnaści, vykarystoŭvajem usio, što pad rukoj: hladzim na reč i dumajem, čym jana moža stać u maleńkim pakojčyku. Śniažana zakidvaje ideju, ja realizoŭvaju», — kaža Alaksiej.
Ź instrumientaŭ — minijaciurnyja nažnicy, manikiurnyja nabory, nažy. Praca juvielirnaja.
Posud, naprykład, — z hliny. Kresły i kanapy taksama abivajucca ŭručnuju. Minijaciurnyja pakajovyja kvietki vyrazajucca sa štučnych pabolš. Usio jak sapraŭdnaje. A zatym pradmiety rasstaŭlajucca na svaje miescy pincetykam, nadziejna macujucca. Pakoj — pad škło, kab źbierahčy ad pyłu.
A jašče ŭ Śniažany jość «skrynka ŭsiaho» (i ŭžo nie adna, žartuje dziaŭčyna): tudy składajecca absalutna ŭsio, što moža potym spatrebicca.
«Bo ŭsio i pačynałasia z taho, kab dać vykarystanym rečam druhoje žyćcio. Čaho tolki niama ŭ maich zapasach. Pryčym nikoli nie viedaješ, što z hetaha atrymajecca. Tak, zvyčajny vykarystany stryžań pieratvarajecca ŭ kufli na navahodnim stale», — dzielicca Śniažana.
Nie biznes, a chobi
U chatcy moža być sapraŭdnaje śviatło, mihatlivaja jołka ci padpaleny kamin — kanstrukcyju prydumaŭ i realizavaŭ Alaksiej. A jašče ŭsio ŭ realistyčnych praporcyjach: chatka ci pakoi vykonvajucca ŭ maštabie 1:18, 1:20, 1:40.
«Kali jość mahčymaść źniać videa, prosim nam pakazać usio ŭ drabniutkich detalach. Prychodziać ludzi i sa starymi fatahrafijami, a časam navat raskazvajuć niešta pa pamiaci. Hetyja maleńkija ŭspaminy my i zachoŭvajem», — raspaviadaje para.
Abaviazkova prosiać raspavieści historyju pakojčyka: chto žyŭ u hetym domie i čamu jon tak darahi sercu — kožny zakaz taki asablivy, tamu robiać jaho z dušoj.
Papiarednie acanić, kolki budzie kaštavać vyrab, składana, pačynajuć ad prykładnaha koštu, a potym usio vyrašajecca, zaležyć ad šmatlikich detalaŭ i pažadańniaŭ zamoŭcaŭ. Naprykład, domiki, zroblenyja pa fatahrafijach i indyvidualnych pažadańniach, u siarednim kaštujuć Br800. Prykładna ŭ dva razy mienš — tyja, što zrabili Alaksiej i Śniažana sami, pa svaim natchnieńni.
Dla siamji heta nie asnoŭnaja praca, a chobi ŭ volny čas. Tamu svoj minijaciurny domik daviadziecca krychu pačakać.
«Mara — zrabić pakojčyk sa svajho dziacinstva. Pakul nie dachodziać ruki, ale taki padarunak my ŭžo rabili siastry i siabram na viasielle. A ciapier samy vialiki popyt na viaskovyja domiki. Ludzi chočuć zachavać svaje samyja ciopłyja ŭspaminy i prosiać uznavić minijaciury», — kaža para.
Ciapier u pracy ŭ Śniažany i Alaksieja maleńki navahodni pakojčyk — amal jak ź ich dziacinstva. Zdajecca, što heta karcina i z našaha minułaha: ścienka-horka, dyvan z mudrahielistymi ŭzorami, roznakalarovyja cacki i «doždžyk» na jołcy. Idealny padarunak, kab akunucca ŭ ščaślivaje minułaje.
Ciapier čytajuć
Były ministr kultury Rusłan Čarniecki znajšoŭ sabie padpracoŭku9
Kamientary
pylesbornik očieriednoj
O! a davajti, ajti, tipier jeje vybiram. ana žo paraktičeski kak ta S. )