Biełarus parvaŭ tyktok, vykinuŭšy ŭ śmietnicu ceły chamon
Historyjaj pra niaŭdałuju sprobu pravieźci ŭ Biełaruś ispanski delikates — syravialeny śviny kumpiak, zrobleny pavodle tradycyjnych receptaŭ — u siabie ŭ tyktoku padzialiŭsia biełarus Aleh. Na videa jon pakazvaje chamon, a potym idzie vykidać miasa, piša «Anłajnier».
Zakadravy hołas u videa havoryć: «Prymusili na miažy vykinuć nožku chamona — nielha ŭvozić u Respubliku Biełaruś. Nie ŭvoźcie nikoli chamona».
Karotki rolik, apublikavany niekalki dzion tamu, sabraŭ kala 500 tysiač prahladaŭ. Niekatoryja juziery dzivilisia i pisali, što chamon u Biełaruś nibyta ŭvozili, inšyja pierakonvali: uvoz miasa dazvoleny, ale pry adnoj umovie — vaha praduktu nie pavinna pieravyšać 5 kh, a trecija prosta spačuvali i dzialilisia svaimi stratami.
Watch on TikTok
«Muž taksama vykidaŭ, kryŭdna, a tak chaciełasia»;
«Ja taksama ŭ śniežni dźvie štuki vykinuŭ na miažy»;
«Ja ikry čyrvonaj vykinuła šmat słoikaŭ, nielha było ŭ samalot brać. I manikiurnyja nažnicy darahija i dobryja»;
«Hadoŭ z šeść tamu na «Katłoŭcy» archideju skazali vykinuć»;
«A ŭ mianie zabrali miod», — pišuć karystalniki.
Raniej u departamiencie vieterynarnaha i charčovaha nahladu Minsielhascharča žurnalistam tłumačyli: uvoz śvininy i inšaj charčovaj śvinahadoŭčaj syraviny, a taksama praduktaŭ ich pierapracoŭki zabaronieny z terytoryi krain — susiedak Biełarusi — Litvy, Łatvii, Ukrainy i Polščy.
Ciapier čytajuć
HUBAZiK vykłaŭ dyskredytujučaje fota zatrymanaha, jaki «prapahandavaŭ nacyzm». Ale na zdymku skandalny Z-błohier4
Kamientary