Cichanoŭskaja sustrełasia ź ministram zamiežnych spraŭ Ukrainy
Paśla vystupleńnia ŭ panelnaj dyskusii «Adziny front u abaronie Jeŭropy» na forumie ŭ Davosie Śviatłana Cichanoŭskaja praviała karotkuju razmovu ź ministram zamiežnych spraŭ Ukrainy Dźmitryjem Kulebam. Pra heta paviedamiła pres-słužba Cichanoŭskaj.
Jak paviedamlajecca, Śviatłana Cichanoŭskaja vykazała Kulebu słovy padtrymki Ukrainie. Taksama palityki abmianialisia dumkami pra ŭzajemadziejańnie i mahčymuju supracu.
Akramia taho, padčas udziełu ŭ Davoskim forumie Cichanoŭskaja siońnia ŭžo mieła razmovy z prezidentkaj Vienhryi Katalin Novak, sa śpikierkaj Sienata Šviejcaryi Jevaj Hiercah, ministarkaj zamiežnych spraŭ Niderłandaŭ Chankie Bruins Słot, premjer-ministram Bałharyi Mikałajem Denkavym, ministarkaj zamiežnych spraŭ Ekvadora Habryełaj Samierfield, premjer-ministram Bielhii Alaksandram de Kru.
Suśvietny ekanamičny forum u Davosie bolš za 50 hadoŭ słužyć płatformaj, na jakoj biznes, urad, navukovyja koły, hramadzianskaja supolnaść i inšyja zacikaŭlenyja baki mohuć sabracca razam dla vyrašeńnia i abmierkavańnia najvažniejšych hłabalnych prablem. Asnoŭnaja tema forumu 2024 hoda — adnaŭleńnie davieru.
Sioleta ŭ forumie ŭdzielničajuć bolš za 60 kiraŭnikoŭ dziaržaŭ i ŭradaŭ jeŭrapiejskich krain (u tym liku Ispanii, Francyi, Irłandyi, Niderłandaŭ, Bielhii, Polščy, Sierbii, Hrecyi), arabskich dziaržaŭ (Livana, Iraka, Iardanii, Katara, Saudaŭskaj Aravii), Afryki (Kienii, Nihieryi), krain Azii, u tym liku Kitaja, Łacinskaj Amieryki, a taksama Izraila i Ukrainy. Taksama na im prysutničali sotni pradstaŭnikoŭ suśvietnaha biznesu, lidary hramadzianskaj supolnaści, viadomyja ekśpierty, sacyjalnyja pradprymalniki i ŚMI.
Ciapier čytajuć
31‑hadovy rasijanin akruciŭ 17‑hadovuju biełarusku. Finał historyi strašny: turma za narkotyki, śmierć dziciaci, «SVA» i skradzienyja hrabavyja13
Kamientary