Vajna55

Zachodnija ekśpierty schilajucca da dumki, što ŭkrainskaja taktyka «aktyŭnaj abarony» apraŭdvaje siabie

Paśla taho, jak kontrnastup 2023 hoda nie prynios čakanych vynikaŭ, Ukraina pierajšła da novaj stratehii, jakaja moža być całkam paśpiachovaj u 2024 hodzie i daść mahčymaść naraścić siły dla bolš aktyŭnych dziejańniaŭ u 2025-m.

Fota: Ofis Prezidenta Ukrainy

Jak piša Financial Times, Ukraina bolš nie spadziajecca na chutkuju pieramohu i zamiest hetaha rychtujecca da zaciažnoj vajny. Pa słovach adnaho z zachodnich čynoŭnikaŭ, jaki pracuje na ŭkrainskim kirunku i jakoha cytuje na ŭmovach ananimnaści vydańnie, «pierśpiektyvy apieratyŭnaha praryvu z abodvuch bakoŭ u 2024 hodzie małyja», a ŭ bližejšyja niekalki miesiacaŭ i zusim mizernyja.

Hetuju realnaść pryznali ŭ Kijevie. Prezident Uładzimir Zialenski zajaviŭ u pačatku śniežnia 2023 hoda, što nastupiła «novaja faza». Jon zahadaŭ budavać novyja ŭmacavańni ŭzdoŭž klučavych siehmientaŭ 1000-kiłamietrovaj linii frontu. Heta sihnalizuje ab pierachodzie ad nastupalnaj taktyki da abarončaj.

Zachodni čynoŭnik adznačaje, što stratehija «aktyŭnaj abarony» — utrymańnie achoŭnych linij, ale pramacvańnie i ekspłuatacyja słabych miescaŭ u abaronie akupantaŭ razam z udarami dalnabojnymi srodkami — dazvolić Ukrainie «naraścić svaje siły» ŭ hetym hodzie i padrychtavacca da 2025-ha, kali ŭ jaje budzie bolš šancaŭ dla kontrnastupleńnia.

Ale šmat budzie zaležać ad Zachadu: pastaŭki bojeprypasaŭ, palityčnaj voli, rašučaści praciahvać padtrymku Ukrainy. Hałoŭnym čynam, viadoma, ad ZŠA.

Niahledziačy na skaračeńnie dapamohi ad ZŠA, pa słovach zachodniaha čynoŭnika, va «ŭkraincaŭ pakul dastatkova taho, što im treba, kab utrymlivać pazicyi».

Jość niekalki pryčyn, adznačaje vydańnie, čamu ŭkrainskija siły zachoŭvajuć aptymizm. Pavodle acenak raźviedki ZŠA, z momantu pačatku nastupu ŭ rajonie Aŭdziejeŭki ŭ kastryčniku rasijskija vajskoŭcy stracili bolš za 13 000 bajcoŭ i bolš za 220 bajavych mašyn.

Načalnik hałoŭnaha ŭpraŭleńnia raźviedki Ministerstva abarony Ukrainy Kiryła Budanaŭ kaža, što za apošnija tydni hetyja ličby značna vyraśli.

Inšy zachodni čynoŭnik, jaki pracuje va Ukrainie, śćviardžaje, što ŭ listapadzie 2023 hoda Rasija hublała prykładna pa 1000 čałaviek u dzień paranienymi i zabitymi. Danyja Hienštaba USU blizkija da praŭdy. Heta aznačaje, što taktyka Ukrainy pravilnaja.

Ukrainskija aficyjnyja asoby ličać, što letam Rasija moža sprabavać nastupać, jaje mety zastajucca raniejšymi — zachapić reštu Danieckaj, Łuhanskaj, Chiersonskaj i Zaparožskaj abłaściej. Ale jany nie vyklučajuć i jašče adnoj sproby nastupu na Charkaŭ ci navat na Kijeŭ. Amierykanskaja raźviedka miarkuje, što hłabalnaj metaj Pucina zastajecca zachop usioj Ukrainy.

Takoje mahčymaje raźvićcio padziej źjaŭlajecca jašče adnoj pryčynaj taho, što Ukraina pavinna nadavać bolš uvahi ŭzmacnieńniu abarony.

Ci dasiahnie Rasija pośpiechu — heta ŭžo inšaje pytańnie. Kiryła Budanaŭ śćviardžaje, što Rasija raschoduje bolš bojeprypasaŭ, čym moža vyrablać, navat z ulikam pastavak z Paŭnočnaj Karei.

U toj ža čas Mikoła Bielaskoŭ, navukovy supracoŭnik Nacyjanalnaha instytuta stratehičnych daśledavańniaŭ pry prezidencie Ukrainy, ličyć, što ni adzin z bakoŭ nie moža naraścić dastatkovuju kolkaść bojeprypasaŭ i asabovaha składu, kab zabiaśpiečyć sabie pieravahu.

Čytajcie jašče:

Rasija vajuje za tualety

«Absalutny kał». Z-vajenkary zajavili pra žachlivuju jakaść snaradaŭ z KNDR

Japonija daść $37 miljonaŭ na sistemy vyjaŭleńnia bieśpiłotnikaŭ va Ukrainie

Kamientary5

  • Stas
    20.01.2024
    Nie padzialaju aptymizmu artykuły. Ukrainie užo zaraz nie chapaje žyvoj siły dla frona. Źmiena stratehii da "ad abarony" nie ad lepšaha žyćcia. Za 2 hady mabilizacyi z Ukrainy chto chacieý užo na froncie, zaraz tam vialikija prablemy z kamplektavańniem i ratacyjaj tych chto ýžo 2 hady vajuje ý adryvie ad siemjaý (vajna heta nie kurort dzie jany amal 3-i hod adpačyvajuć, a naadvarot). Liču što heta vialiki pralik pačać maštabnyja fartyfikacyjnyja mierapryjemstvy tolki ciapier, a nie 1-1,5 hady tamu. Šapkazakidalnictva i ýsprymańnie rasiejskaha vojska jak sucelna zekaý, čmoniej dy ałkašej moža dla ýkraincaý hetak ža niehatyýna adbicca jak i płanavanieje letniaha kontrnastupleńnia
  • Vład
    20.01.2024
    Oborona do poślednieho ukraincv?
  • N
    20.01.2024
    Vład, da apošniaha ruzkaha

Ciapier čytajuć

Izrail pačaŭ novuju chvalu ŭdaraŭ pa Iranie11

Izrail pačaŭ novuju chvalu ŭdaraŭ pa Iranie

Usie naviny →
Usie naviny

Samalot ź Minska ŭ Dubaj ekstranna sieŭ u Baku

Izrailskija ŚMI: jadzierny reaktar u iranskim Natanzie źniščany daščentu12

Kamu ź biełaruskich dziaciej nielha vučycca za miažoj? Minadukacyi prakamientavała našumieły zakon3

Prapahandyst Ihar Tur vyrašyŭ pierasialicca bližej da Astrašyckaha Haradka19

Cichanoŭskaja pra kiejs Mielnikavaj: Situacyja strašnaja32

U Polščy zatrymali afhanca, jaki dumaŭ, što jon u Paryžy. Tak jamu skazaŭ pravadnik, što supravadžaŭ ad miažy Biełarusi3

Jakija časy, takija i prezienty: u biełaruskich aptekach možna nabyć padarunkavyja siertyfikaty1

Izrail zadziejničaŭ dla ŭdaraŭ pa Iranie 200 samalotaŭ2

Iran zapuściŭ 100 dronaŭ pa Izraili3

bolš čytanych navin
bolš łajkanych navin

Izrail pačaŭ novuju chvalu ŭdaraŭ pa Iranie11

Izrail pačaŭ novuju chvalu ŭdaraŭ pa Iranie

Hałoŭnaje
Usie naviny →

Zaŭvaha:

 

 

 

 

Zakryć Paviedamić