Jak zavieści aŭto ŭ maroz i što rabić, kali dźviery vašaha aŭtamabila prymierźli.
Jak zavieści aŭto ŭ maroz i što rabić, kali dźviery vašaha aŭtamabila prymierźli.
Što varta ŭličvać kiroŭcam hetymi niezvyčajna maroznymi dniami? Kaniečnie, nie lišnie budzie zaŭvažyć, što aŭto tre było rychtavać da zimy zahadzia — pravieryć akumulatar, sistemu zapusku ruchavika, zalić sintetyčnuju ci paŭsintetyčnuju alivu, dadać antyfryz u vadkaść dla sistemy achałodžvańnia.
I ŭsio‑tki, kali ściuža zaśpieła vas źnianacku, najpierš varta zadumacca, nakolki nieabchodna vam jechać ułasnym transpartam, bo pry marozie zvyš 25 hradusaŭ znos aŭto vyrastaje ŭ dziesiać razoŭ u paraŭnańni ź letnim siezonam. Mo varta paškadavać svoj lehkavik, dy skarystacca haradskim transpartam?
Kali vam usio ž daviadziecca jechać na ŭłasnym aŭto, vas mohuć napatkać nastupnyja niepryjemnaści:
zamierz zamok i dźviery, aŭto nie zavodzicca. Jość niekalki paradaŭ. Zamierzły zamok možna adčynić nahretym klučom. Dla hetaha spatrebicca zapalnička ci zapałki. Sprabujučy adčynić zamierzły zamok, paźbiahajcie rezkich ruchaŭ. Kali jość, to skarystajciesia admysłovaj vadkaściu dla razmarožvańnia.
Zamierzłyja dźviery treba abstukać kułakom pa pierymietry. Dźviery nie zdajucca — pasprabujcie adčynić bahažnik. Chłopnicie im niekalki razoŭ, kab u sałonie ŭtvaryłasia pavietranaja paduška, jakaja dapamoža vam adčynić dźviery. Iznoŭ ža — admysłovyja vadkaści i haračaja vada z domu.
Ruchavik nie zapuskajecca?
Mahčyma, varta było ŭviečary adklučyć akumulatar i zabrać jaho ŭ ciopłaje pamiaškańnie. U horšym vypadku nastupnyja dziejańni zaležać ad stanu akumulatara. «Słaby» akumulatar treba zaradzić. Kali ž jon jašče choć kudy, treba jaho prahreć — uklučyć zapalvańnie, a zatym dalniaje śviatło na 10 siekund, abo bližniaje na 45 siekund. Zatym śviatło vyklučyć i praz paŭchviliny pasprabavać zavieścisia. Idealny varyjant — najaŭnaść u aŭto pieradpuskavoha padahravalnika ruchavika, ci tak zvanaha «akumulatara ciapła» — admysłovaha termasa, u jaki na noč zalivajecca haračy antyfryz.
Ciapier čytajuć
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia17
«Razmaŭlaŭ uvieś čas pa-biełarusku». Pavieł Sieviaryniec zapisaŭ svoj pieršy zvarot paśla vyzvaleńnia
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher44
«Pa-biełarusku «Słana» Filipienki nabyvali bolš achvotna, čym pa-rusku». Jakija knihi siońnia ŭ topie? Intervju z kiraŭnicaj vydaviectva Gutenberg Publisher4
«Heta ryzykoŭna dla Biełarusi». Zialenski zajaviŭ, što Rasija raźmiaščaje abstalavańnie dla naviadzieńnia šachiedaŭ na dachach biełaruskich šmatpaviarchovikaŭ2323
Kamientary