Nieruchomaść77

U Hrodnie pabudujuć novy mikrarajon — vysotki mohuć sapsavać vid na Kałožskuju carkvu

Chutka ŭ Hrodnie pačnuć uzvodzić novy mikrarajon «Załaty» na 6 tysiač žycharoŭ, z budynkami vyšynioj da 19 pavierchaŭ. Jon budzie znachodzicca niepadalok ad histaryčnaha centra i Kałožskaj carkvy. 

Ilustracyjny zdymak. Fota: skrynšot z servisu «Jandeks panaramy»

Novy mikrarajon źjavicca pamiž praśpiektam Budaŭnikoŭ, vulicami Viasieńniaj i Kalinoŭskaha. Raniej jaho nazyvali «Viasieńni», ale letam 2023 hoda pierajmienavali ŭ «Załaty». Zabudova budzie roznaŭzroŭnievaj — ad 4 da 19 pavierchaŭ. 

Hrodzienski historyk architektury Miečysłaŭ Supron ličyć, što novy mikrarajon sapsuje panaramu histaryčnaha centra Hrodna, u tym liku vid na Kałožskuju carkvu.

«Ja bolš čym pierakanany, što ŭźviadzieńnie novaha kvartała na fonie chrama 12 stahodździa — adnaho z hałoŭnych kandydataŭ na trapleńnie ŭ śpis JUNIESKA ad Biełarusi — moža niehatyŭna paŭpłyvać na stanoŭčaje rašeńnie kamisii.

Pa apublikavanych rendarach składana dakładna acanić, nakolki mocna budzie sapsavanaja panarama, ale vidavočna, što 15– i 19-paviarchovyja damy ŭ paru kiłamietrach ad Kałožy buduć vielmi mocna vybivacca», — ličyć krajaznaŭca.

Kali hladzieć na Kałožu sa staroha mosta, to navat ciapier možna zaŭvažyć, jak na fonie chrama bačny dach 15-paviarchovaha doma na rahu vulic Kalinoŭskaha-Viasieńniaj.

Fota: skrynšot z servisu «Jandeks panaramy»

Adzin z troch 19-paviarchovych damoŭ, jakija płanujuć pabudavać, budzie stajać niepadalok. Astatnija dva damy — jašče bližej da chrama. 

Krajaznaŭca nie razumieje, navošta 370-tysiačnamu horadu damy vyšynioj u 19 pavierchaŭ.

«Ci varta horadu raści ŭ vyšyniu, kali ziamla ŭ abłasnym centry nie kaštuje stolki, kab była patreba achviaravać kamfortam dziela taho, kab raźmiaścić bolš kvater?» — zadajecca pytańniem Supron.

Jon źviartaje ŭvahu, što ŭ paraŭnańni z rendarami, jakija byli apublikavanyja ŭ 2021 hodzie, kolkaść kvater i vyšynia damoŭ pavialičylisia. U «Załatym» źjavicca 2475 kvater suprać 2284. 

Vizualizacyja mikrarajona «Załaty». Krynica fota: grodno.in

«Spačatku samymi vysokimi musili być 15-paviarchovyja damy, što taksama nie mała. Ale ŭ vyniku vyrašyli pabudavać try 19-paviarchovyja «słupy» ŭnutry mikrarajona, a 8-paviarchovy dom kala budučaha kalca na vyjeździe da Novaha mosta zamianili 15-paviarchovym».

Padobnaja zabudova nie adpaviadaje sučasnym jeŭrapiejskim standartam horadabudaŭnictva, heta chutčej azijacki styl, kaža krajaznaŭca.

«U Polščy i Litvie nichto ciapier nie robić takija spalnyja rajony. U Jeŭropie budujuć 4-5-6-paviarchovyja žyłyja damy, stvarajuć kamfortnaje asiarodździe, kab nie pierahružać architekturu kvartała. U susiedziaŭ padobny kvartał budzie raźličany nie na 6 tysiač, a na 2-3 tysiačy žycharoŭ.

Šmatpaviarchovik u Hrodnie. Ilustracyjny zdymak

Taksama ŭ vypadku z «Załatym» zastajecca pytańnie, dzie žychary buduć pakidać mašyny. Padjezdu da hetych 19-paviarchovikaŭ niama, aŭtamabili treba budzie pakidać niedzie ŭzdoŭž kvartała. Heta nonsens, bo takija damy musiać mieć pad saboj padziemny parkinh na niekalki pavierchaŭ uniz», — razvažaje Supron.

Budaŭnictva padziemnych parkinhaŭ praduhledžvałasia ŭ pieršapačatkovym płanie, ale ŭ vyniku vyrašyli zrabić parkoŭki vakoł rajona.

Kamientary7

  • Vasil
    31.01.2024
    Nu a kali jašče ŭsia hetaja chieŭra zmoža nakraści, kab i sabie, i ŭnukam? Apošni chapun, i jany heta razumiejuć. Bo što budzie kali jany pieraabujucca i stanuć "apazicyjaj" - nieviadoma, zachodnich hrantaŭ na ŭsich moža nie chapić.
  • Fejspałm
    31.01.2024
    Cikava, čamu jość takija terminy, jak "Stalinki", "Chruščoŭki", "Brežnieŭki" ale niama "Łukašenkaŭki". Heta ž mienavita ŭ jaho pieryjad kiravańnia ŭskrainy ( i nie tolki) biełaruskich haradoŭ zabudoŭvajucca hetymy pačvarnymi čałaviejnikami
  • a
    31.01.2024
    dyk terminy ž zdajecca ŭźnikli paśla śmierci važdziej?..

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Usie naviny →
Usie naviny

Tramp vymušana spyniaje rejdy suprać imihrantaŭ u sielskaj haspadarcy i hatelnym biznesie3

Navukoŭcy znajšli prosty sposab paspryjać rostu raślin — muzyka, ale nie kožnaja20

Ryanair budzie štrafavać pasažyraŭ, jakija parušajuć paradak1

U Homieli 7 hadoŭ tamu pabudavali prybiralniu ledź nie za miljon dalaraŭ. Jak u joj ciapier?4

U Dubai zahareŭsia 67-paviarchovy chmaračos3

Što moža čakać tych, kaho buduć sudzić pa spravie «Biełaruskaha Hajuna»?

Łukašenka parekamiendavaŭ biełarusam nie nalahać na bulbu13

Izrailcianam prychodziać špijonskija paviedamleńni ad karespandentki ANT10

Usploski zakazaŭ picy kala Pientahona mahli śviedčyć pra budučuju ataku na Iran9

bolš čytanych navin
bolš łajkanych navin

Tehieran haryć. Izrailskija źniščalniki praciahvajuć udary, pakul SPA Irana biaśsilnaja16

Tehieran haryć. Izrailskija źniščalniki praciahvajuć udary, pakul SPA Irana biaśsilnaja

Hałoŭnaje
Usie naviny →

Zaŭvaha:

 

 

 

 

Zakryć Paviedamić