Prapahandystka Lebiedzieva pachvaliłasia rasijskim Z-miedalom, jaki možna kupić za $6
Supracoŭnica BT apublikavała fota, na jakim chvalicca miedalom «Za sadziejničańnie SVA», padpisany niejkim rasijskim pałkoŭnikam, čyje imia i podpis na fota staranna zabluranyja.
Miedal biełaruscy, jakaja nieadnarazova jeździła na akupavanyja terytoryi Ukrainy, vypisali jašče ŭ śniežni, ale da Minsku jon dabraŭsia tolki ciapier.
Lebiedzieva apublikavała sełfi sa svaim trenieram pa MMA Antonam Rybčonkam. Jon taksama padtrymlivaje vajnu, pieryjadyčna jeździć na Danbas i vozić tudy hruzy ad Alaksieja Tałaja.
Rybčonak taksama atrymaŭ taki miedal. Jon apublikavaŭ ahulnaje fota, na jaki bačnyja piać čałaviek ź miedalami i jašče dvoje. Tvary niezamazanyja tolki ŭ treniera, Lebiedzievaj i jašče adnaho mužčyny.
Rybčonak padpisaŭ fota frazaj «uznaharodzili šakaładnym miedalom». I žart akazaŭsia niedalokim ad praŭdy. Bo miedal «za sadziejničańnie SVA» — niedziaržaŭny i prysudžajecca roznymi hramadskimi abjadnańniami.
Kab atrymać birulku, možna napisać list z chadajnictvam ad jakoha-niebudź vajskovaha padraździaleńnia. Abo pieraličyć hrošy na rachunak abjadnańnia.
Na sajcie vytvorcy miedal kaštuje 520 rasijskich rubloŭ — heta krychu mienš za 6 dalaraŭ. Krychu daražej birulka kaštuje ŭ roznych internet-kramach.
Bijahrafiju Ksienii Lebiedzievaj možna daviedacca ŭ siužecie «Našaj Nivy»:
Biedny, rasčaravany — asabliva ŭ rodnych — i nikomu niepatrebny. Zły dziońnik Baradulina dazvalaje zazirnuć unutr hienija17
Kamientary
Baćka mient, matka nastaŭnica rasiejskaj movy, adkul jany ŭzialisia na Biełarusi? Źniešnaść azijackaja.
U baćki - mianta chto baćki? Taksama mianty? Nkvdšniki?