Hramadstva77

Pravasłaŭny kamunist i vatnik z Rasii. Što viadoma pra dvuch samych maładych kandydataŭ u Minharsaviet

«Naša Niva» źviarnuła ŭvahu na samych maładych staličnych kandydataŭ. Hetyja chłopcy nie majuć šancaŭ na pieramohu, ale dobra ilustrujuć, jakija ludzi vyłučajucca ad kišennych partyj, kali ŭ dziaržavie nie zastałosia nijakaj kankurentnaj palityki.

Rasijanin z partyi Hajdukieviča

Kirył Harškoŭ. Fota ź jahonaj staronki «Ukantakcie»

Kiryłu Harškovu 18 hadoŭ. Naradziŭsia jon u rasijskim Vałhahradzie, ale dziacinstva pravioŭ u Babrujsku. Tam byŭ aktyvistam BRSM i siabram moładzievaha parłamienta.

Ciapier chłopiec, miarkujučy pa śpisach abituryjentaŭ, vučycca na płatnym adździaleńni ŭ Mižnarodnym instytucie «MITSO» pa śpiecyjalnaści «Ekanamičnaje prava» (praŭda, u śpisach kandydataŭ jon paznačany jak biespracoŭny, tamu moh užo i adličycca). Ale i praŭładnyja aktyŭnaści nie zakinuŭ — na staronkach u sacsietkach publikuje «patryjatyčnyja» fota z čyrvona-zialonym ściaham.

Kirył Harškoŭ. Fota ź jahonaj staronki «Ukantakcie»

Miarkujučy pa padpiskach chłopca ŭ sacyjalnaj sietcy «Ukantakcie», jon zajmaje prarasijskuju pazicyju. Siarod jahonych padpisak — «Ja žyvu ŭ Rasii i mnie nie soramna», «Infarmacyjnaja padtrymka Pucina», «Armija Z» dy jašče dziasiatki pablikaŭ takoha kštałtu.

Padpiski Kiryła Harškova «Ukantakcie»

Praŭda, i adpačynak u Jeŭropie chłopcu padabajecca. Na jahonaj staroncy «Ukantacie» jość fota z šerahu krain Jeŭrasajuza, siarod jakich Italija i Hiermanija.

Kirył u Italii. Fota z «Ukantakcie»

Chłopiec bałatujecca ad partyi ŁDPB, jakuju ŭznačalvaje Aleh Hajdukievič, pa Karžanieŭskaj akruzie ŭ Kurasoŭščynie.

Pravasłaŭny kamunist Dźmitryj Šamonin

Dźmitryj Šamonin (z pravaha boku) z danosčycaj Volhaj Bondaravaj

Dźmitryj Šamonin — druhi pa ŭzroście siarod kandydataŭ u miascovyja deputaty. Chłopcu 20 hadoŭ.

Jon minčuk i vypusknik liceja №1 Minska, jaki zakryli z padačy byłoha ministra adukacyi Ihara Karpienki ŭ śniežni 2021-ha. Apošni vypusk ź liceja adbyŭsia ŭ mai 2023-ha.

Ciapier Dźmitryj vučycca na trecim kursie miechanika-matematyčnaha fakulteta BDU.

Šamonin na prarasijskim mitynhu ŭ Minsku. Fota ź jahonaj staronki «Ukantakcie»

Šamonin — uzorny małady jabaćka. Jon vinšuje padpisantaŭ svaich staronak z rasijskimi i kamunistyčnymi śviatami dy ŭdzielničaje va ŭsich mahčymych akcyjach prarasijskich siłaŭ. Naprykład, asabliva adznačaje Dzień adzinstva narodaŭ Rasii i Biełarusi, a taksama anałahičnyja daty.

Ale pohlady Dźmitryja vielmi supiarečlivyja, razabracca ŭ ich niaprosta. Jon zajmaje adkryta prarasijskuju pazicyju. Ź inšaha boku, pazicyjanuje siabie jak antyfašyst i prychilnik kamunistyčnych pohladaŭ.

Skrynšot sa staronki Dźmitryja Šamonina

Jość u jaho ŭ sacsietkach i antyŭkrainskija pasažy.

Skrynšot sa staronki Dźmitryja

A taksama sardečnaje vinšavańnie Stalinu z dniom narodzinaŭ.

Skrynšot sa staronki Dźmitryja

Pry hetym chłopiec nie zabyvaje vinšavać padpisantaŭ z pravasłaŭnymi śviatami.

Skrynšot sa staronki Dźmitryja

Siarod dopisaŭ na staronkach Dźmitryja, naprykład, jość adnačasova zakliki zmahacca ź biełaruskaj movaj (i asabliva z łacinkaj) i vinšavańni z Dniom rodnaj movy.

Skrynšot sa staronki Dźmitryja «Ukantakcie»

I mudrahielistyja cytaty ŭłasnaha vyrabu.

Cytaty Dźmitryja Šamonina. Fota ź jahonaj staronki «Ukantakcie»

A taksama cytata Łukašenki, jakuju niepadrychtavany čytač moža ŭspryniać jak kramolnuju.

Skrynšot sa staronki Dźmitryja «Ukantakcie»

Dźmitryj Šamonin bałatujecca ŭ miascovyja deputaty ad Kamunistyčnaj partyi pa minskaj Viaśnianskaj vybarčaj akruzie. Heta mikrarajony Viaśnianka i Ržaviec, žyllo top-čynoŭnikaŭ.

«Naša Niva» — bastyjon biełaruščyny

PADTRYMAĆ

Kamientary7

  • Alek. Ru
    01.02.2024
    Byu upeunieny, što moładź razumniejšaja za łukašunou-piensadromau. Čarhovaja pamyłka. Kryudna...
  • tiejeorija nie opravdałaś
    01.02.2024
    Po suti my živiem v BSSR, tak čto nieudivitielno, čto niekotoraja mołodież takaja sovkovaja.
  • daviedka
    01.02.2024
    Karpienko včiera pro piervoho nieskolko raz skazał, čto sriedi kandidatov mołodyje, rośsijanie i odin biezrabotnyj.

«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1

«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?

Usie naviny →
Usie naviny

Šumčanka zapisaŭ videazvarot da Łukašenki6

U Čačni na ŭsieahulny ahlad vystavili cieła 17-hadovaha chłopca, jaki napaŭ na post DPS10

Sinoptyki raskazali, jaki rajon Minska samy ciopły ŭzimku

Lubicie šmatki na śniadanak? Nu, čytajcie3

Kolkaść achviar u Santa-Daminha dasiahnuła 184

Stała viadoma, jak budzie vyhladać Vaładarka paśla rekanstrukcyi17

Skančvajecca lehiendarnaja antyŭtopija pra ZŠA. Što čakać ad finału «Apoviedu słužanki»6

Amierykanskija biržy ŭźlacieli paśla taho, jak Tramp daŭ zadni chod z pošlinami. Uśled za imi rastuć i azijackija6

U Viciebsku vynieśli prysud pravasłaŭnamu śviataru, jaki naśmierć źbiŭ mašynaj dzicia4

bolš čytanych navin
bolš łajkanych navin

«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?1

«My jamu daviarajem». Čamu źnikłuju Mielnikavu zamianiŭ mienavita eks-vajskoviec Paciechin?

Hałoŭnaje
Usie naviny →

Zaŭvaha:

 

 

 

 

Zakryć Paviedamić