Zachodnija miedyja ličać, što zvalnieńnie Załužnaha — pytańnie času, i aceńvajuć ryzyki
Budanaŭ i Syrski admovilisia zaniać jaho miesca.
Čatyry čałavieki, ź jakimi razmaŭlała FT, zajavili, što, choć u ofisie Zialenskaha było pryniataje rašeńnie zvolnić Załužnaha, jaho mohuć nie zvalniać niekatory čas paśla taho, jak paviedamleńni ab hetych płanach źjavilisia va ŭkrainskich ŚMI, piša «Ukrainskaja praŭda»
Surazmoŭcy Bi-bi-si ŭ abaronnym siektary Ukrainy kažuć, što kolkaść roznahałośsiaŭ pamiž Zialenskim i Załužnym dasiahnuła krytyčnaj miažy. Napeŭna, sprava nie tolki ŭ roznych pohladach na vajennyja dziejańni, a ŭ asabistych supiarečnaściach i niedaviery.
Jak paviedamlaje Bi-bi-si, Zialenski, Załužny i Umieraŭ sustrelisia ŭ AP u paniadziełak bieź Jermaka. Narada prajšła ŭ spakojnym tonie, prezident abviaściŭ, što pryniaŭ rašeńnie adpravić u adstaŭku hałoŭnakamandujučaha i što ŭkaz budzie padpisany najbližejšym časam.
Jak paviedamlaje Bi-bi-si, apošnija miesiacy Zialenski nie raz byŭ blizki da taho, kab adpravić Załužnaha ŭ adstaŭku. Što mienavita padšturchnuła prezidenta 29 studzienia prainfarmavać hałaŭny kamitet ab jaje niepaźbiežnaści, dakładna nieviadoma.
Taksama nieviadoma, što mienavita pieraškodziła źjaŭleńniu prezidenckaha ŭkaza. Surazmoŭcy Bi-bi-si va ŭładnych strukturach ahučvajuć dva asnoŭnyja varyjanty: albo ŭ situacyju ŭmiašalisia zachodnija partniory Kijeva, albo jość prablema z pryznačeńniem novaha hałoŭnakamandujučaha.
Mahčymymi kandydatami FT nazyvaje kamandujučaha Suchaputnymi vojskami Syrskaha i kiraŭnika HUR Budanava.
U toj ža čas krynicy Bi-bi-si ŭ vajskovych kołach kažuć, što ni Syrski, ni Budanaŭ nie hareli žadańniem zaniać kresła Załužnaha i admovilisia ad hetaha pryznačeńnia.
«Nieviadoma, čym skončycca hetaja historyja. Ale kali Zialenski zachavaje svajho hałoŭnakamandujučaha na pasadzie, jon budzie vyhladać słabym. Kali jon jaho zvolnić, to taja niaŭmiełaść, ź jakoj heta było zroblena, tolki paškodzić davieru da kiraŭnictva», — zaklučaje The Economist.
Va Ukrainie raspaŭsiudžvałasia supiarečlivaja infarmacyja pra adstaŭku Załužnaha. Pakul, zdajecca, jon zastajecca
Załužny pavinšavaŭ z 2024 hodam rolikam z vajskoŭcami, pad jakim padpisalisia b 97% pracentaŭ biełarusaŭ
«Usio adno my ŭsie pamrom». Pazaštatnaja daradca Załužnaha skazała hłupstva, jon adreahavaŭ pa-vajskovamu radykalna
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca5
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca
Mistyčnaje koła Vilni: Kalinoŭski byŭ pachavany ź miedaljonam śviatyni, kala jakoj vyras hatyčny pałac doktara z-pad Oršy. Ciapier pareštki Kalinoŭskaha pierapachavali ŭ mahilni taho ž doktara2222
Kamientary
Kali maskali stajali pad Kijevam, to paradku na Ukrainie było niejak bolš.